Obrazi uchun tashqi ko‘rinishini o‘zgartirishdan qo‘rqmaydigan Gollivud yulduzlari (foto)

Kuchli teatr aktyorining o‘ziga xos xususiyatlaridan biri tashqi ko‘rinishi kabi ichki dunyosini ham o‘zgartira olish qobiliyatidir. Tomoshabinlar obrazni ijro etayotgan aktyorga emas, balki personajga ergashishni xohlaydi. Bu borada teatr aktyorlaridan ko‘ra kino aktyorlari uchun yanada qiyinroq, chunki tomoshabinlar ularni sahnadagi aktyorlarga qaraganda ancha yaqindan ko‘rishadi.

Quyida filmdagi roli uchun nafaqat ichki olamini, balki tashqi ko‘rinishini ham butunlay o‘zgartirgan aktyor va aktrisalar haqida ma’lumot beramiz.

Tim Karri

“Uyda yolg‘iz-2” filmidagi mehmonxona xizmatchisini eslaysizmi? U doimo boshqalarning ishiga burun suqib, hammaga choychaqa berish kerakligiga ishora qilardi. Bu Tim Karrining eng taniqli rollaridan biri, ammo eng yorqini emas.

Aynan shu tabassum egasi birinchi marta ekranlashtirilgan “U” filmida yovuz masxaraboz rolini ijro etgan. 70-yillarda esa “Rokki Horrorning dahshatli shousi” musiqiy filmida rol o‘ynagan, mazkur filmda u telba olima qiyofasida namoyon bo‘lgan.

Stenli Tuchchi

Aftidan, bu maftunkor aktyor har qanday rolni o‘ynashi mumkin. Buning uchun uning uchta rolini taqqoslash kifoya: “Qattiqqo‘l xonim” filmidagi ishchan dizayner, “Ochlik o‘yinlari”da ekssentrik boshlovchi, “Sevimli suyaklar” filmida jinoyatchi.

“Yoqimli suyaklar” filmidagi roli uchun Tuchchi hatto “Oskar” mukofotiga da’vogar bo‘lgan, chunki u ruhiy beqaror odam xarakterini qoyilmaqom qilib ijro etgan.

Rouz Makgoven

“Afsunlanganlar” filmidagi roli Rouz Makgovenga mashhurlik olib keldi. Ko‘pchilik aktrisada faqat opa-singil Fibi va Piperni ko‘rishgan, ammo aktrisa boshqa rollarni ham maromiga yetkazib ijro eta olishi mumkinligini isbotlagan.

Jeyms Makavoy

“Split” filmida 24 kishilik obrazni ijro etish orqali Jeyms Makavoy barchani qoyil qoldirgan. Bu tug‘ma iste’dodi bilan u “Gunohlarni yuvish” filmida bir nigohi bilan tomoshabinlar yodida qolgan, “Narniya saltanati”da u janob Tumnus roli bilan muxlislar olqishiga sazovor bo‘lgan.

Antonio Banderas

“Chorasizlik” filmidagi rolidan keyin Antonio Banderas faqat ispaniyalik macho obrazida esda qoldi. Ammo aktyor hech qachon ampulasidan chiqishdan qo‘rqmagan va ko‘pincha ekranlarda kutilmagan rollarda namoyon bo‘lgan. Masalan, “Vampir bilan intervyu”dagi o‘lmas jonzot yoki “Sug‘urtalovchi” filmidagi hayotdan charchagan odam rollari singari.

Meggi Smit

Aktrisa zodagon xonim roliga juda yaxshi tushadi, buni “Daunton abbatligi”da ham ko‘rish mumkin. Ammo Meggi Smitning aktyorlik doirasi ancha keng. U ayollar monastirining boshlig‘i (“Davom et”) hamda sergap uysiz kampir (“Furgondagi xonim”) rolini ishonarli darajada o‘ynagan.

Jim Kerri

Jim Kerri har qanday rolga singib ketadi: komedik, dramatik va murakkab rolli filmlarda ham. “Kinodagi Sonik” filmida u salbiy xarakterni ijro etgan bo‘lsa-da, baribir tomoshabinlar ko‘nglidan joy olgan. “Men seni sevaman, Filipp Morris” tragikomediyasida aktyor qalbi parchalanib ketgan odamning ichki dunyosini juda nozik ko‘rsatib bera olgan. “Ajoyib Bert Uanderstoun” filmida esa Jim Kerri umuman boshqa obraz —  ko‘cha sehrgariga aylangan.

Nik Stall

“Terminator 3: Mashinalar isyoni” filmida aktyor loyihani tashlab ketgan Edvard Furlong o‘rnini egallab, Jon Konnor rolini ijro etgan. Keyinchalik Nik yoqimli yigit qiyofasidan voz kechib, “Gunohlar shahri”dagi roli uchun yuzini jirkanch niqob ostiga yashirdi va tomoshabinlar e’tirofiga sazovor bo‘ldi.

Endi Serkis

Aktyor “Maymunlar sayyorasi: Urush” filmida Sezar, “Uzuklar hukmdori”da Gollum, “Yulduzlar jangi”da oliy rahbar, “Nufuz” filmida Nikola Tesla yordamchisi rolini maromiga yetkazib ijro etgan.