Xidirov Alisher Bo‘riyevich Surxondaryo viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimida ish boshladi, deya xabar bermoqda viloyat hokimligi.
Alisher Xidirov 1982-yil Termiz tumanida tug‘ilgan. 2004-yilda Toshkent temiryo‘l muhandislari institutini, 2009-yilda Toshkent moliya institutini tugatgan. Ma’lumoti bo‘yicha mutaxassisligi – qurilish muhandisi, buxgalteriya hisobi va audit.
Faoliyati davomida u “Temiryo‘lloyiha” aksiyadorlik jamiyati texnigi, muhandisi, “O‘zbekiston temir yo‘llari” aksiyadorlik jamiyati kapital qurilish direksiyasi qurilish bo‘yicha muhandis-texnologi, “O‘ztemiryo‘lmashta’mir” sho‘ba korxonasi hisobchisi, qurilish bo‘limi muhandis–texnologi, “O‘ztemiryo‘lkonteyner” aksiyadorlik jamiyati qurilish boshqarmasi boshlig‘i lavozimlarida mehnat qilgan.
Mazkur lavozimga tayinlangunga qadar 2015-yildan O‘zbekiston Kasaba uyushmalari federatsiyasi tasarrufidagi “Kasaba qurilish ta’mir” sho‘ba korxonasi direktori vazifasida faoliyat yuritayotgan edi.
Bundan avval Majburiy ijro byurosining Farg‘ona viloyat boshqarmasiga yangi rahbar, Toshkent shahar IIBB boshlig‘iga o‘rinbosar hamda Xorazm viloyati hokimiga o‘rinbosar tayinlangani haqida xabar berilgandi.
Izoh (0)