Хидиров Алишер Бўриевич Сурхондарё вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида иш бошлади, дея хабар бермоқда вилоят ҳокимлиги.
Алишер Хидиров 1982 йил Термиз туманида туғилган. 2004 йилда Тошкент темир йўл муҳандислари институтини, 2009 йилда Тошкент молия институтини тугатган. Маълумоти бўйича мутахассислиги – қурилиш муҳандиси, бухгалтерия ҳисоби ва аудит.
Фаолияти давомида у «Темир йўллойиҳа» акциядорлик жамияти техниги, муҳандиси, «Ўзбекистон темир йўллари» акциядорлик жамияти капитал қурилиш дирекцияси қурилиш бўйича муҳандис-технологи, «Ўзтемир йўлмаштаъмир» шўъба корхонаси ҳисобчиси, қурилиш бўлими муҳандис–технологи, «Ўзтемир йўлконтейнер» акциядорлик жамияти қурилиш бошқармаси бошлиғи лавозимларида меҳнат қилган.
Мазкур лавозимга тайинлангунга қадар 2015 йилдан Ўзбекистон Касаба уюшмалари федерацияси тасарруфидаги «Касаба қурилиш таъмир» шўъба корхонаси директори вазифасида фаолият юритаётган эди.
Бундан аввал Мажбурий ижро бюросининг Фарғона вилоят бошқармасига янги раҳбар, Тошкент шаҳар ИИББ бошлиғига ўринбосар ҳамда Хоразм вилояти ҳокимига ўринбосар тайинлангани ҳақида хабар берилганди.
Изоҳ (0)