Xiaomi qiziqarli flagmanlar va konseptual smartfonlar bilan foydalanuvchilarni hayratga sola oladi. Bu safar kompaniya smartfon ekrani ostida aylanadigan kamerani patentladi, deb xabar beradi Hi-Tech.Mail.ru.
Odatiy holatda smartfonning barcha kameralari orqa tarafga yo‘nalgan. Selfiga tushish kerak bo‘lganda esa modullardan biri 180 darajaga buriladi — sxematik tasvirlarda u to‘q sariq doira bilan ko‘rsatilgan. Aylanish tizimi magnit uzatma yordamida amalga oshirilgan. Ta’kidlanishicha, “magnit qism” buriladigan kameraning orqa tomon blokiga qotirilgan.
Kompaniya ushbu yangi texnologiyani o‘z smartfonlarida qachon qo‘llashi noma’lum. Bunga qadar Xiaomi kompaniyasi o‘zining silindr-smartfonini namoyish etgandi.
Avvalroq Xiaomi yangi smartfonini patentlagani, uning frontal kamerasi maxsus mexanizmda joylashgani to‘g‘risida xabar berilgandi.
Izoh (0)