Xiaomi kompaniyasi ko‘rinishi bilan Galaxy Fold’ni yodga soladigan smartfonini patentladi, deb xabar beradi Hi-Tech.Mail.ru.
Tasvirlardan ko‘rish mumkinki, smartfon bir nechta displeyga ega: ulardan biri ancha keng bo‘lib, kameraga mo‘ljallangan teshiklarsiz ingichka hoshiyaga ega, ikkinchisi — uni tashqi tomondan to‘ldirib turadi va ovoz dinamigi uchun teshigi mavjud.
Qurilmaning qiziqarli tomonida yig‘iladigan smartfonning frontal kamerasi. U maxsus harakatlanadigan mexanizmda joylashgan va ikkita modulga ega. Yana uchta kamera orqa paneldagi asosiy blokda joylashgan. Hozircha ularning texnik tavsifi haqida biror ma’lumot yo‘q.
Xiaomi 2020-yil boshida ikki marotaba bukiladigan smartfon prototipini namoyish etgandi. Shundan so‘ng, kompaniya o‘zining bukiladigan smartfonini shu yilning oxirigacha taqdim etishi haqida mish-mishlar tarqaldi, biroq ular tasdiqlanmadi. Taxminlarga ko‘ra, yangi modelni 2021-yilda kutish kerak.
Avvalroq Xiaomi kamerasi ekran ostida joylashgan displeylardan foydalanishga o‘tishi, aylanuvchi kameraga ega smartfon ustida ish boshlagani to‘g‘risida xabar berilgandi. Mavzuga doir:
