“Yuventus” hujumchisi Krishtianu Ronaldu A Seriya 36-turi doirasida “Sassuolo”ga qarshi kechgan bahsda (3:1) gol urdi.
Bu portugaliyalik futbolchi uchun “Yuventus” safidagi 100-gol bo‘ldi. Shu tariqa Ronaldu turli mamlakatlarning uchta klubida 100 va undan ortiq gol urgan tarixdagi ilk futbolchiga aylandi.
Ronaldu “Real”da 450 ta gol urgan bo‘lsa, “Manchester Yunayted” safida 118 ta gol muallifiga aylangan. Shuningdek, uning hisobida Portugaliya terma jamoasi safida 103 ta gol mavjud.
Shuningdek, Ronaldu “Yuventus”da 100 ta gol urish uchun eng kam vaqt sarflagan futbolchiga aylandi. U uchta mavsumda bu natijaga erishdi. Roberto Badjo va Umar Sivori buni 4 ta mavsumda qayd etgandi.
Ronaldu A Seriya joriy mavsumdagi 32 o‘yinda 28 ta gol urgan holda to‘purarlar ro‘yxatini boshqarib bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)