«Ювентус» ҳужумчиси Криштиану Роналду А Серия 36-тури доирасида «Сассуоло»га қарши кечган баҳсда (3:1) гол урди.
Бу португалиялик футболчи учун «Ювентус» сафидаги 100-гол бўлди. Шу тариқа Роналду турли мамлакатларнинг учта клубида 100 ва ундан ортиқ гол урган тарихдаги илк футболчига айланди.
Роналду «Реал»да 450 та гол урган бўлса, «Манчестер Юнайтед» сафида 118 та гол муаллифига айланган. Шунингдек, унинг ҳисобида Португалия терма жамоаси сафида 103 та гол мавжуд.
Шунингдек, Роналду «Ювентус»да 100 та гол уриш учун энг кам вақт сарфлаган футболчига айланди. У учта мавсумда бу натижага эришди. Роберто Баджо ва Умар Сивори буни 4 та мавсумда қайд этганди.
Роналду А Серия жорий мавсумдаги 32 ўйинда 28 та гол урган ҳолда тўпурарлар рўйхатини бошқариб бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)