Internetda Rossiya qishloqlaridan birida 1976—1988-yillar davomida ishlab chiqarilgan “Moskvich-2140” avtomobili yarim tirkamali qo‘lbola traktorga aylantirilgani tasvirlangan suratlar tarqaldi, deb xabar beradi CARakoom.
Suratlardan ko‘rish mumkinki, optikaga ega sezilari darajada toraytirilgan kapot ham “Moskvich-2140”ga tegishli bo‘lgan. G‘ildiraklar bazasi qisqartirilgani sabab “Moskvich” mini-traktorga o‘xshab qolgan.
Qo‘lbola mashina yaratuvchisi uning old qismiga qandaydir sabablarga ko‘ra o‘zgartirish kiritishga qaror qilgan — bunisi noma’lum. U haydovchi o‘rindig‘idan atrofni kuzatish oson bo‘lishini o‘ylagani taxmin qilinmoqda. Nima bo‘lganda ham, tor motor bo‘lmasida “Moskvich” dvigateli joylashmagan.
Shuningdek, mini-traktor bir o‘qli yarim tirkama bilan jihozlangan. Yarim tirkamaning uchala tomonidagi asos qismida joylashgan halqalar yon va orqa bortni yechib tashlab, unga istalgan yukni ortish uchun qulay maydoncha yaratish mumkinligidan dalolat beradi.
Avvalroq Ukrainada 29 yil garajda saqlangan ideal holatdagi “Moskvich-2141” topilgani to‘g‘risida xabar berilgandi.
Izoh (0)