Интернетда Россия қишлоқларидан бирида 1976—1988 йиллар давомида ишлаб чиқарилган «Москвич-2140» автомобили ярим тиркамали қўлбола тракторга айлантирилгани тасвирланган суратлар тарқалди, деб хабар беради CARakoom.
Суратлардан кўриш мумкинки, оптикага эга сезилари даражада торайтирилган капот ҳам «Москвич-2140»га тегишли бўлган. Ғилдираклар базаси қисқартирилгани сабаб «Москвич» мини-тракторга ўхшаб қолган.
Қўлбола машина яратувчиси унинг олд қисмига қандайдир сабабларга кўра ўзгартириш киритишга қарор қилган — буниси номаълум. У ҳайдовчи ўриндиғидан атрофни кузатиш осон бўлишини ўйлагани тахмин қилинмоқда. Нима бўлганда ҳам, тор мотор бўлмасида «Москвич» двигатели жойлашмаган.
Шунингдек, мини-трактор бир ўқли ярим тиркама билан жиҳозланган. Ярим тиркаманинг учала томонидаги асос қисмида жойлашган ҳалқалар ён ва орқа бортни ечиб ташлаб, унга исталган юкни ортиш учун қулай майдонча яратиш мумкинлигидан далолат беради.
Аввалроқ Украинада 29 йил гаражда сақланган идеал ҳолатдаги «Москвич-2141» топилгани тўғрисида хабар берилганди.
Изоҳ (0)