O‘zbekistonda o‘tgan chorak davomida qaysi viloyat eng ko‘p tuxum yetishtirgani ma’lum bo‘ldi

2021-yilning 1-choragi davomida O‘zbekistonda 1,374 milliard dona tuxum yetishtirildi. Bu haqda Davlat statistika qo‘mitasiga tayanib, “Xabar.uz” xabar berdi.

Ma’lum qilinishicha, o‘tgan yilning mos davriga nisbatan solishtirilganda o‘sish sur’ati 100,2 foizni tashkil etgan. Yanvar—mart holatiga ko‘ra, O‘zbekistonda 84,1 million bosh parrandalar mavjud. Bu o‘tgan yilning mos davriga nisbatan 100,4 foizga ko‘p demak. Eng ko‘p parrandalar soni Samarqand va Toshkent viloyatlari hisobiga to‘g‘ri keladi.

Hududlar kesimida yetishtirilgan tuxum hajmi:

• Qoraqalpog‘iston R. – 80,3 million;
• Andijon – 52,3 million;
• Buxoro – 83,3 million;
• Jizzax – 50,6 million;
• Qashqadaryo – 90,8 million;
• Navoiy – 73,2 million;
• Namangan – 111,9 million;
• Samarqand – 243,7 million;
• Surxondaryo – 100,2 million;
• Sirdaryo – 33,7 million;
• Toshkent – 242,1 million;
• Farg‘ona – 103,2 million;
• Xorazm – 109,1 million dona.