Oliy Majlis Senatining Fan, ta’lim va sog‘liqni saqlash masalalari qo‘mitasi raisi Odiljon Iminov bitiruvchilardan uch tomonlama shartnoma talab etilishi bilan bog‘liq holat nazoratga olinganini ma’lum qildi, deb xabar beradi “Xalq so‘zi Online”.
Qo‘mita raisining ta’kidlashicha, shu kunlarda kollej, litsey, hatto oliy ta’lim muassasalari bitiruvchilaridan biror tashkilot, korxonadan uch tomonlama shartnoma tasdiqlatib kelishi talab etilayotgani bilan bog‘liq holatlar ijtimoiy tarmoqlarda jamoatchilik tomonidan keng muhokama qilinmoqda.
Xususan, bitiruvchilarni ish bilan ta’minlashda ana shunday ko‘zbo‘yamachilikka yo‘l qo‘yilayotgani, eng achinarlisi, uch tomonlama shartnoma xo‘jako‘rsinga tuzilganini uch tomon ham bilishi, bu soxta “an’ana” butun bir mamlakat rivoji uchun salbiy ta’sir qilishi ta’kidlangan.
“Mazkur masala Oliy Majlis Senatining Fan, ta’lim va sog‘liqni saqlash masalalari qo‘mitasi tomonidan nazoratga olinib, Oliy va o‘rta maxsus ta’lim vazirligiga asoslantirilgan holda tushuntirish berish talabi bilan so‘rov yuborildi”, — deydi Iminov.
Mavzuga doir: Senat qo‘mitasi raisi: “Oliy ta’lim dedik, lekin shu oliy ta’lim emasmi korrupsiya maydoniga aylangan?”
Izoh (0)