Oliy Majlis Qonunchilik palatasi spikeri o‘rinbosari, “Milliy tiklanish” partiyasi rahbari Alisher Qodirov o‘zining Telegram’dagi kanali orqali davlat idoralariga murojaatlar davlat tilida bo‘lishi kerakligi haqidagi taklif Qonunchilik palatasi tomonidan ma’qullanmaganini ma’lum qildi.
“Milliy tiklanish” DP fraksiyasining “Davlat idoralariga murojaatlar davlat tilida bo‘lsin, boshqa tilda bo‘lsa davlat tiliga tarjimasi ilova qilinsin, javoblar davlat tilida bo‘lsin”, degan taklifiga xalq vakillarining munosabati.Avvalroq Alisher Qodirov o‘zbek oilalari farzanlarini rus maktablariga berayotgani sabab bolalar o‘zbek tilini bilmay va milliy o‘ziga xosligini aglamay ulg‘ayayotganidan xavotirda ekanini yozib qoldirgandi.Bir hamkasbimizning “bizga va farzandlarimizga o‘zbek tilini o‘rganish qiyin, biz o‘z tilimizda murojaat qilishni xohlaymiz” degan gapi ham g‘ururiga tegmagan 65 ta deputat...
O‘zbek tili ojiz...
Bu masalaga, o‘lmasak, 10 yildan keyin qaytarkanmiz. Hozircha uzr, ovozimiz kamlik qilyapti.
Alisher Qodirov, “Milliy tiklanish” partiyasi rahbar
Oliy Majlis Qonunchilik palatasining 20-aprel kuni o‘tkazilgan navbatdagi majlisida deputatlar “ ‘O‘zbekiston Respublikasining davlat tili haqida’gi qonuniga o‘zgartish va qo‘shimchalar kiritish to‘g‘risida”gi qonun loyihasi bobma-bob, moddama-modda ko‘rib chiqqan. Alisher Qodirovning so‘zlariga ko‘ra, qonun loyihasi muhokamasida “XDPning sovetcha qarashlari va ‘Milliy tiklanish’ni azaldan jini suymaydiganlar bilan qonunga jiddiy e’tibor bermayotganlarning kayfiyatlari” ustuvorlik qilgan.
Izoh (0)