O‘tkir Saidov Turizm va sport vazirining ziyorat turizmi bo‘yicha o‘rinbosari lavozimiga tayinlandi. Bu haqda vazirlik matbuot kotibi xabar berdi.
O‘tkir Saidov mazkur tayinlovga qadar vazirning ma’naviy-ma’rifiy masalalar va davlat tili bo‘yicha maslahatchisi lavozimida faoliyat yuritgan.
O‘tkir Saidov 1988-yilda tug‘ilgan, 2011-yilda Samarqand davlat chet tillar institutini (filolog, ingliz tili o‘qituvchisi) hamda 2015-yilda Prezident huzuridagi Davlat boshqaruvi akademiyasini (Master in Public Sector Management) tamomlagan.
U 2017-yildan buyon Turizmni rivojlantirish davlat qo‘mitasida turli lavozimlarda faoliyat yuritib kelgan.
Eslatib o‘tamiz, Turizm va sport vazirligi O‘zbekiston Prezidentining aprel boshidagi farmoni bilan Jismoniy tarbiya va sport vazirligi hamda Turizmni rivojlantirish davlat qo‘mitasi negizida tashkil etildi.
Vazirlik rahbari Aziz Abduhakimov (bir vaqtning o‘zida bosh vazir o‘rinbosari), birinchi o‘rinbosar — Ulug‘bek A’zamov, o‘rinbosarlar — Abulaziz Oqqulov, Avazjon Karimov va Zarif Qozoqov.
Izoh (0)