O‘zbekistondagi yana 4 ta OTM vaqtinchalik masofaviy ta’limga o‘tkazildi

Talabalar orasida koronavirus infeksiyasi aniqlangani sababli, Samarqanda bitta va Toshkentda uchta oliygoh masofaviy ta’lim tizimiga o‘tdi, deb xabar beradi “Gazeta.uz”.

Xususan,

• Toshkent davlat iqtisodiyot universiteti Samarqand filiali;
• Toshkent davlat agrar universiteti;
• Samarqand Veterenariya meditsinasi instituti Toshkent filiali;
• Toshkent irrigatsiya va qishloq xo‘jaligini mexanizatsiyalash muhandislari instituti 14 kunga masofaviy ta’lim tizimiga o‘tdi.

Avvalroq Guliston davlat universiteti, Farg‘ona davlat universiteti 14 kunlik masofaviy ta’limga o‘tkazilgani haqida xabar berilgan edi. Shuningdek, Toshkent davlat sharqshunoslik universitetida darslar 22-apreldan masofaviy shaklga o‘tkazilgani, O‘zJOKUda masofaviy ta’lim o‘quv yili oxirigacha davom ettirilishi ma’lum qilingandi.