Futbol bo‘yicha O‘zbekiston Kubogining 3-turidan o‘rin olgan bir qator o‘yinlar 28-aprel, chorshanba kuni bo‘lib o‘tdi.
“Nasaf” o‘z maydonida “Bunyodkor”ni qabul qilib, 1:1 hisobidagi durangga imzo chekdi. Dastlab 4-daqiqada Husniddin Aliqulov mezbonlarni hisobda oldinga olib chiqqan bo‘lsa, 46-daqiqada Mirjahon Mirahmadov muvozanatni tikladi. Shu tariqa jamoalar E guruhi yakunlariga ko‘ra keyingi bosqich yo‘llanmasiga ega chiqdi.
Mazkur guruhning ikkinchi o‘yinida “So‘g‘diyona” Birinchi Liga vakili “Rubin”ni yirik hisobda yengdi. Jizzaxliklarning gollariga Shohruz Norxonov (dubl), Shahboz Jo‘rabekov, Arslonmurod Amanov mualliflik qilgan bo‘lsa, “Rubin” tarkibida Husan Yo‘ldoshev o‘z hisobiga gol yozdirib qo‘ydi. “So‘g‘diyona” ham 1/8 finalda o‘ynaydi.
A guruhidan o‘rin olgan o‘yinda “Lokomotiv” “Aral Samali” maydoniga safar qildi va 5:1 hisobidagi g‘alabani tantana qildi. “Temiryo‘lchilar” safida Jaloliddin Jumaboyev, Aziz Omonov (dubl), Igor Chikrizov va Ibrohim G‘anixonov, mezbonlardan esa Damir Nizanov o‘z hisobiga gol yozdirib qo‘ydi.
“Turon” “Andijon” bilan bahs yuritdi va kichik hisobda g‘alabaga erishdi. Uchrashuvdagi yagona gol Jasur Hakimov tomonidan 15-daqiqada urildi. Shu tariqa A guruhidan “Turon” va “Lokomotiv” musobaqaning 1/8 final bosqichiga yo‘l oldi.
O‘zbekiston Kubogi
Guruh bosqichi, 3-tur bahslari
28-aprel, chorshanba
Izoh (0)