O‘zbekiston Pro-Ligasi Germaniyaning Volkswagen brendi bilan homiylik shartnomasi imzoladi. Bu haqda PFL matbuot xizmati ma’lum qildi.
PFL, Volkswagen va UzReport o‘rtasidagi uch tomonlama shartnoma imzolangan. Unga ko‘ra, Volkswagen Pro-Ligaga oid barcha translyatsiyalar, tadbir va uchrashuvlar davomidagi tijoriy bannerlar, reklama roliklari hamda media mahsulotlari orasidan joy egallaydi.
“Umid qilamizki, Volkswagen bilan mazkur hamkorlik O‘zbekiston futboli rivoji yo‘lidagi yana bir dadil qadam bo‘la oladi”, — deyiladi PFL bayonotida.
Eslatib o‘tamiz, PFL Pro-Liga o‘yinlarini muntazam jonli efirga uzatish borasida 2020-yilda UzReport bilan kelishuvga erishgandi. 2021-yilgi mavsumdan musobaqaning qator uchrashuvlari telekanal tarmog‘ida jonli efirga uzatilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)