Prezident matbuot kotibi Sherzod Asadov 26-aprel, dushanba kuni bo‘lib o‘tgan brifingda davlat rahbari Shavkat Mirziyoyevning shu haftadagi ish rejasidan videoselektor yig‘ilishi o‘tkazish ham o‘rin olganini ta’kidladi. Bu haqda “Daryo” muxbiri xabar bermoqda.
Asadovning qayd etishicha, qurilish materiallari sanoatini rivojlantirish bo‘yicha o‘tkazilishi rejalashtirilgan videoselektorda ikkita asosiy yo‘nalish:
— ichki bozorni qurilish materiallari bilan yetarlicha ta’minlash, energiya samaradorligi orqali tannarxni tushirish;
— import tarkibini o‘rganib, ularning o‘rnini bosadigan sifatli mahsulotlar ishlab chiqarishni tashkil etish, buning uchun yangi investitsiya loyihalarini shakllantirib, korxonalarni qo‘shimcha qo‘llab-quvvatlash masalalari muhokama qilinadi.
“Bundan tashqari, hafta davomida ko‘p qavatli uy-joylarga xizmat ko‘rsatishni takomillashtirish, hududlarda iqtisodiyot tarmoqlari samaradorligini oshirish, temiryo‘l transporti tizimidagi transformatsiya jarayonlarini jadallashtirish yuzasidan taqdimotlar o‘tkazilishi kutilmoqda”, — dedi Prezident matbuot kotibi.
Izoh (0)