Rossiyada qiyin ahvolda qolgan 9 nafar o‘zbekistonlik charter reys bilan bepul vatanga qaytarildi
Rossiyaning Uzoq Sharq federal okrugida moliyaviy qiyin ahvolga tushib qolgan 9 nafar o‘zbekistonlik mamlakatga charter reys orqali bepul qaytarildi. Bu haqda Tashqi mehnat migratsiyasi agentligi xabar berdi.
Tashqi mehnat migratsiyasi agentligi, vakolatli tashkilotlar va saxiy insonlar ko‘magida pandemiya sharoitida xorijda murakkab moliyaviy ahvolga tushib qolgan hamda ijtimoiy himoyaga muhtoj O‘zbekiston fuqarolarini qo‘llab-quvvatlash, moddiy-huquqiy yordam ko‘rsatish, ularni vatanga qaytarishga alohida e’tibor qaratilmoqda.
Xususan, Uzoq Sharq federal okrugi hududlarida turli sabablarga ko‘ra moliyaviy qiyin ahvolga tushib qolgan 9 nafar o‘zbekistonlik (3 nafari yosh bola) Vladivostok—Buxoro yo‘nalishi bo‘yicha tashkillashtirilgan charter aviareysi orqali bepul O‘zbekistonga qaytarildi.
Ta’kidlanishicha, mazkur xayrli ish Rossiyaning Vladivostok shahrida faoliyat yuritib kelayotgan “Vostok—Buxara” mas’uliyati cheklangan jamiyati rahbari, o‘zbekistonlik A.Azizov hamda O‘zbekistonning Vladivostok shahridagi Bosh konsulxonasi hamkorligida amalga oshirilgan.
Avvalroq Rubsovsk shahrida pulsiz ko‘chada qolgan olti nafar O‘zbekiston fuqarosi Novosibirsk shahriga olib kelingani to‘g‘risida xabar berilgandi.
Mavzuga doir:
