O‘zbekistonning Qanot Sharq Airlines xususiy aviakompaniyasi ikkita Airbus A320-214 aviaoperatorini ro‘yxatdan o‘tkazgani va yaqin orada ular O‘zbekistonga yetkazilishi haqida xabar berilgan edi. 26-aprel kuni ushbu samolyotlarning biri Toshkentga olib kelindi. Bu haqda in4avia Telegram kanali xabar berdi.
Eslatib o‘tamiz, 2021-yilning fevral oyi o‘rtalarida Qanot Sharq Airlines xususiy aviakompaniyasi Amerikaning ikkita Airbus A320-200 samolyotini ijaraga olgandi.
Ma’lumot uchun, Qanot Sharq Airlines 1998-yilda ro‘yxatga olingan hamda yuk va yo‘lovchi aviatashuvlariga ixtisoslashgan. 2003-yildan 2012-yilgacha kompaniya “O‘zbekiston havo yo‘llari” MAKdan Il-76 samolyotlarini ijaraga olgan va O‘zbekistondagi birinchi xususiy aviakompaniya o‘laroq o‘z charter reyslarini amalga oshirgan. Kompaniya 150 mingdan ortiq yo‘lovchi tashigan. Barcha Il-76 samolyotlari O‘zbekiston Mudofaa vazirligiga o‘tkazilgach, Qanot Sharq Airlines’ning ekspluatantlik sertifikati to‘xtatilgan.
Yangi samolyotlar olinishi bilan aviakompaniya hududiy aeroportlardan bir qator xalqaro yo‘nalishlarga parvoz qilishni rejalashtirmoqda.
Izoh (0)