O‘zbekistonning barcha hududlari bo‘yicha aprel oyining oxiriga qaraganda yozning boshi uchun xos bo‘lgan ochiq ob-havo harorati kuzatildi, deb xabar bermoqda “O‘zgidromet”.
26-aprel va ish haftasi davomida harorat me’yordan 5-8 daraja yuqori bo‘ladi. Havo harorati kechalari 14-17 daraja, kunduz kunlari 32-35 daraja, janubda va cho‘l hududlarida 37-38 darajagacha bo‘ladi.
Qayd etilishicha, kunduzgi harorat shu kunlar uchun bo‘lgan mutlaq maksimumga yaqinlashadi.
Haftaning oxirida Kaspiy dengizining shimoliy hududlaridan salqin va biroz nam havo massalari kirib keladi. Respublika hududida havo bulutli bo‘lishi kutilmoqda, lekin yog‘ingarchilik ehtimoli kam bo‘ladi. Kunduz kuni harorat 27-32 darajagacha biroz pasayadi, ammo me’yordan yuqori bo‘lib qoladi.
Izoh (0)