Innovatsion rivojlanish vazirligi koronavirusga qarshi emlangandan keyin kuzatilishi mumkin bo‘lgan eng jiddiy reaksiyani ma’lum qildi
O‘zbekistonning Innovatsion rivojlanish vazirligi emlangandan keyin kuzatilishi mumkin bo‘lgan eng jiddiy reaksiya anafilaksiya ekanini ma’lum qildi.
Emlashdan keyingi eng jiddiy reaksiyalardan biri anafilaksiya bo‘lib, aynan emlangan vaksinaning keyingi dozalarini qo‘llash mumkin bo‘lmagan yagona holatdir.
Ko‘pchilik shunga o‘xshash qo‘llash mumkin bo‘lmagan holatlar, jumladan, og‘ir, o‘tkir yuqumli kasalliklar (masalan, nafas yo‘llarining o‘tkir infeksiyalari) yoki steroidlar bilan davolash kurslari vaqtinchalik holatlar bo‘lib, keyinroq emlashlarni o‘tkazish mumkin.
Vazirlik xabariga ko‘ra, bu qo‘llash mumkin bo‘lmagan holatlar shartli yoki vaqtinchalik hisoblanadi. Qo‘llash mumkin bo‘lmagan holatlardan farqli ravishda, ehtiyot choralari deyilganda, emlashdan keyin paydo bo‘lishi mumkin bo‘lgan nojo‘ya ta’sirlar yoki emlanuvchining ayni vaqtdagi holatida emlash o‘tkazish yo o‘tkazmaslikdan ko‘ra qanchalik xavfsiz ekanligini aniqlash muhimdir (asosan, homilador ayollar yoki immuniteti pasayganlar nazarda tutilmoqda).
Ehtiyot choralari qo‘llash mumkin bo‘lmagan holat hisoblanmaydi.
Ba’zi hollarda vaksina preparatlari eslatma varaqalarida ko‘rsatilgan ehtiyot choralari qo‘llash mumkin bo‘lmagan holatlar sifatida noto‘g‘ri tushuniladi, bu esa emlashning o‘z vaqtida o‘tkazilishini orqaga suradi.
Ma’lumot uchun, O‘zbekistonada 24-aprel holatiga ko‘ra 528 751 kishi koronavirusga qarshi emlangan.
Eslatib o‘tamiz, O‘zbekistonda bugungi kunda 1 million 660 ming doza vaksina bor. Ularning 660 ming dozasi COVAX jamg‘armasi tomonidan olib kelingan AstraZeneca vaksinasi, 1 million dozasi esa O‘zbekiston—Xitoy hamkorligida ishlab chiqilgan ZF-UZ-VAC 2001 vaksinasi.
