Инновацион ривожланиш вазирлиги коронавирусга қарши эмлангандан кейин кузатилиши мумкин бўлган энг жиддий реакцияни маълум қилди

Ўзбекистоннинг Инновацион ривожланиш вазирлиги эмлангандан кейин кузатилиши мумкин бўлган энг жиддий реакция анафилакция эканини маълум қилди.

Эмлашдан кейинги энг жиддий реакциялардан бири анафилакция бўлиб, айнан эмланган вакцинанинг кейинги дозаларини қўллаш мумкин бўлмаган ягона ҳолатдир.

Кўпчилик шунга ўхшаш қўллаш мумкин бўлмаган ҳолатлар, жумладан, оғир, ўткир юқумли касалликлар (масалан, нафас йўлларининг ўткир инфекциялари) ёки стероидлар билан даволаш курслари вақтинчалик ҳолатлар бўлиб, кейинроқ эмлашларни ўтказиш мумкин.

Вазирлик хабарига кўра, бу қўллаш мумкин бўлмаган ҳолатлар шартли ёки вақтинчалик ҳисобланади. Қўллаш мумкин бўлмаган ҳолатлардан фарқли равишда, эҳтиёт чоралари дейилганда, эмлашдан кейин пайдо бўлиши мумкин бўлган ножўя таъсирлар ёки эмланувчининг айни вақтдаги ҳолатида эмлаш ўтказиш ё ўтказмасликдан кўра қанчалик хавфсиз эканлигини аниқлаш муҳимдир (асосан, ҳомиладор аёллар ёки иммунитети пасайганлар назарда тутилмоқда).

Эҳтиёт чоралари қўллаш мумкин бўлмаган ҳолат ҳисобланмайди.

Баъзи ҳолларда вакцина препаратлари эслатма варақаларида кўрсатилган эҳтиёт чоралари қўллаш мумкин бўлмаган ҳолатлар сифатида нотўғри тушунилади, бу эса эмлашнинг ўз вақтида ўтказилишини орқага суради.

Маълумот учун, Ўзбекистонада 24 апрель ҳолатига кўра 528 751 киши коронавирусга қарши эмланган.

Эслатиб ўтамиз, Ўзбекистонда бугунги кунда 1 миллион 660 минг доза вакцина бор. Уларнинг 660 минг дозаси COVAX жамғармаси томонидан олиб келинган AstraZeneca вакцинаси, 1 миллион дозаси эса Ўзбекистон—Хитой ҳамкорлигида ишлаб чиқилган ZF-UZ-VAC 2001 вакцинаси.