Davlat rahbarlarining oddiy yigitlarga turmushga chiqqan qizlari (foto)

Davlat rahbarlarining qizlari aksariyat hollarda ota-onasining faoliyatini davom ettiradi, biznesmen yoki siyosatchiga turmushga chiqadi. Shaxsiy hayotini yashirish, ijtimoiy tarmoqlardan foydalanmaslik va hatto boshqa familiya ostida karyera qilish holatlari ham kuzatilib turadi. Lekin ularning orasida o‘z tanlovidan kelib chiqib, hayotini oddiy odam bilan bog‘lashga qaror qilganlar, o‘z xohishlariga binoan hayot kechiradiganlari ham yo‘q emas.

Aliya Shagiyeva

Qirg‘izistonni 2011—2017-yillarda boshqargan Almazbek Atambayev 6 nafar farzandning otasi. Birinchi turmushidan Seyitbek ismli o‘g‘li va Diana hamda Dinara ismli egizak qizi bor. 1988-yilda Raisa Minahmedovnaga uylangan, rafiqasi Aliya va Qodir ismli farzandlarni dunyoga keltirgan. Yopiq hayot tarzini tanlagani sabab Aliyadan tashqari qolgan farzandlarni na ijtimoiy tarmoqlarda, na boshqa joyda kuzatish mumkin.

Aliya otasining gaplariga quloq solmasdan turmush o‘rtoq sifatida oddiy yigit Konstantinga turmushga chiqqan. Hatto to‘yidan keyin ham yaqinlari tomonidan jufti unga mos emasligi ta’kidlanishiga qaramay, u birga tushgan foto va videolar bilan bo‘lishishdan charchamaydi.

Leyla Aliyeva

Ozarbayjon prezidentining qizi Leyla 2006-yilda bo‘lajak yulduz Eminga turmushga chiqqan. Crocus Group prezidentining o‘g‘li sifatida ma’lum bo‘lgan yigit prezidentning qiziga uylanganidan keyin haqiqiy mashhurlikka erishgan.

Turmushi davomida ikki nafar farzandni dunyoga keltirgan Aliyeva xonim turmush o‘rtog‘i bilan 2015-yilda ajrashgan va shundan keyin Amina ismli qizni asrab olgan.

Ayshat Qodirova

Ayshat Checheniston rahbari Ramzan Qodirovning to‘ng‘ich farzandi. OAV ilk bor unga Firdaws modalar uyining rahbari bo‘lganidan keyin e’tibor qaratgan. Tatler jurnaliga bergan intervyusida Ayshat juda ham ko‘p ishlashi va karyera bilan universitetda o‘qishni baravar olib borish unga qiyinlik qilayotganini ta’kidlagan.

Shuningdek, u (otasining avtohalokatda halok bo‘lgan sinfdoshining o‘g‘li) oddiy yigitga turmushga chiqqanini ham ma’lum qilgan. Turmush o‘rtog‘i bilan to‘yidan bir necha hafta avval tanish bo‘lgan qiz otasining tanloviga ishongan va bundan afsuslanmagan.

Natalya Kiskova

Slovakiya sobiq prezidenti Andrey Kiskaning qizi Natalya haqida yaqingacha yetarli ma’lumot bo‘lmagan. Xorijda yashagan qiz ijtimoiy tarmoqdagi sahifalardan foydalanishini yashirishga harakat qilgan.

Ammo bugungi kunga kelib u Instagram’da faol ravishda blog yuritadi va shaxsiy hayoti bilan bog‘liq ma’lumotlarni bo‘lishib keladi. Yaqinda uning turmushga chiqqani ma’lum bo‘lgan. Natalya turmush o‘rtog‘ining to‘liq ismi sir bo‘lib qolishini istagan.