“Milliy marketing markazi” korxonalar assotsiatsiyasi talqiniga ko‘ra, joriy yilning 22-mayida IV “2020-yil brendi” mukofoti bilan tantanali taqdirlash marosimi o‘tkaziladi. An’anaga ko‘ra, sevimli brend uchun ovoz berish imkoniyati har bir iste’molchiga beriladi. Eng faol kompaniyalar “Yil brendi” mukofoti bilan o‘tgan yilning yakunlariga ko‘ra, O‘zbekiston bozorida muvaffaqiyatli marketing rivojlantirilganligi uchun taqdirlanadi. Taqdirlash III Makon Marketing Forum — xalqaro marketing biznes forumi doirasida o‘tkaziladi.
“O‘tgan yil hamma uchun murakkab keldi. O‘tgan yilgi onlayn tadbirlarimizda biz ko‘plab kompaniyalarning ishiga ta’sir ko‘rsatgan inqirozdan chiqish borasida, biznes uchun tavsiyalar bergan edik. Ochiq ovoz berishni e’lon qilishdan oldin biz, bu yil ovoz berishga aynan qanday toifalarni taklif etish yuzasidan muhokama va tahlil o‘tkazdik. Natijada pandemiyaga qaramay ham faol ishlashda davom etayotgan brendlarning 24 ta toifasi yuzaga keldi. Bozordagi vaziyatdan kelib chiqib, mukofot toifalari har yili o‘zgarib turadi. Bu gal mukofotda ko‘ngilochar bog‘lar, SKM, fitnes markaz kabi toifalar qatnashmaydi. Buning sababi hammaga tushunarli, deb o‘ylayman. Ammo yangi toifalar qo‘shildi: biznes-kurslar, OTM, yetkazib berish xizmatlari, xususiy tibbiyot markazlari va boshqalar. Mukofotning bosh vazifasi o‘zgarishsiz qoladi — mahalliy bozorda muvaffaqiyatli ishlayotgan kompaniyalarni aniqlash, qo‘llab-quvvatlash va rag‘batlantirish. Bundan tashqari, biz kompaniyalarning o‘z tovar va xizmatlarini ilgarilatishidagi samarali uslublarga e’tiborni qaratish, iste’molchilarning brendlar haqidagi fikrlarini bilish, iste’molchilarning ovoz berishi barobarida taqdim etilayotgan xizmatlar hamda taklif etilayotgan ommaviy iste’mol tovarlari sifatini baholovchi, mustaqil professional hamjamiyat sifatida namoyon bo‘layotgan assotsiatsiya ekspertlari va hamkorlarining fikrlarini jamlash niyatidamiz”, — deb qayd etdi mukofot tashkilotchisi, “Milliy marketing markazi” korxonalar assotsiatsiyasi boshqaruvi raisi Diyor Mirzaahmedov.
Eslatib o‘tamiz, o‘tgan yili III “2019-yil brendi” mukofoti doirasida birinchi bor (katta muvaffaqiyat bilan) iste’molchilarning onlayn ovoz berishi o‘tkazilgan edi. Mukofotda 100 dan ziyod brendlar qatnashgan, ovoz berishda 150 000 dan ortiq kishi ishtirok etgan va 20 ta toifa bo‘yicha g‘oliblar aniqlangan.
Joriy yilda iste’molchilarning ovoz berishi boshlanib bo‘ldi. U 2021-yil 16-apreldan 14-mayga qadar o‘tkaziladi. Ovoz berish @makon_brand_bot Telegram-botida o‘tkazilmoqda. Ovozlar sonining joriy holati nmc.uz saytida aks etadi va istalgan shaxs ochiq ovoz berish kechayotgan davrda, real vaqt rejimida uning sevimli brendi jadvalning qaysi o‘rnida ekanligini kuzatib borishi mumkin.
Mukofotda ovoz berish uchun quyidagilar zarur: @makon_brand_bot botida ro‘yxatdan o‘tish, toifalardan birini tanlash, o‘z ovozingizni bermoqchi bo‘lgan brendni topish va ovoz berish. Shu tariqa o‘z sevimli brendingizni tanlashingiz va barcha 24 ta toifada ovoz berishingiz mumkin.
- Bank xizmatlari
- Sug‘urta kompaniyalari
- Developerlar
- Oliy ta’lim muassasalari
- Biznes kurslar
- Chet tillari kursi va o‘quv markazlari
- Mobil operatorlar
- To‘lov tizimlari
- Internet provayderlar
- Yengil avtomobillar
- Maishiy texnika
- Bo‘lib to‘lash yoki kreditga maishiy texnika sotish do‘konlari
- Tezpishar taom restoranlari
- Oziq-ovqat yetkazib berish xizmatlari
- Qahvaxonalar
- Qandolat mahsulotlari
- Energetik ichimliklar
- Shirin gazli ichimliklar
- Mineral ichimlik suvi
- Kolbasa mahsulotlari
- Oziq-ovqat chakana savdosi
- Yangiliklar internet saytlari
- Yuvish vositalari
- Xususiy tibbiyot markazlari
Ulardan “Bu yil botni ishlab chiqishda o‘tgan yilgi tajribani inobatga oldik va botning ovoz berish uchun qulay qilishgagina emas, balki ishonchli bo‘lishiga ham ahamiyat berdik. Ro‘yxatdan o‘tgandan keyin har bir ovoz beruvchiga verifikatsiyadan o‘tish va nazorat savoliga javob berish taklif etiladi. Bu ovoz berishda faqat real iste’molchilarni qoldirish imkonini beradi. Ovoz beruvchilar uchun qulaylik – istalgan paytda ovoz berishni davom ettirish imkoniyati yaratilgan. Bu haqda botga maxsus eslatma keladi. Biz katta funksionallikka va bir necha bosqichli himoyaga ega, juda ishonchli bot yaratdik. Butun ovoz berish jarayonida haqiqatdan ham ko‘p iste’molchilar ovoz bergan brend g‘olib bo‘lishi uchun barcha jarayonlarni monitoring qilib boramiz”, — degan javob berilgan.
Ochiq ovoz berishdan tashqari, parallel ravishda assotsiatsiya hamkorlari va ekspertlari o‘rtasida so‘rov ham o‘tkaziladi. Unda 200 dan ziyod respondentlar qatnashadi. Professional hamjamiyat o‘rtasidagi so‘rov natijalari bo‘yicha ham barcha 24 toifa bo‘yicha sovrinlar topshiriladi.
“De Facto marketing agentligimiz 2018-yildagi ilk mukofotdan buyon so‘rovnomani o‘tkazishda qatnashib keladi. Ovoz berish natijasidan farqli o‘laroq, iste’molchilar va brendlarimiz juda qimmatli va xolis axborot hamda yil bo‘yi qilgan ishlarining bahosini oladi, deb o‘ylayman. Iste’molchilar O‘zbekistonda u yoki bu yo‘nalishda tovar va xizmatlar taklif etayotgan nechta brend mavjudligini yaqqol ko‘radi, brendlar esa o‘z faoliyatlarining matlabi, ya’ni bevosita iste’molchilaridan “qayta aloqa”ga ega bo‘ladi. Boshqa tomondan, bu jiddiy tadqiqot bo‘lib, eng yaxshilarni qayd etish va rag‘batlantirish, yetakchilarni aniqlash imkonini beribgina qolmay, aynan faol raqobat mavjud bo‘lgan hamda buning samarasi o‘laroq qiziqarli marketing yechimlari kuzatiladigan B2C segmenti brendlari qanday ishlayotganligini ham ko‘rsatadi. Bu yil biz an’anaga ko‘ra, assotsiatsiya hamkorlari va ekspertlari o‘rtasida so‘rovnoma o‘tkazamiz. Respondentlar va assotsiatsiya professional hamjamiyati a’zolari soni yildan yilga o‘sib bormoqda va bu bizni quvontiradi. So‘rovnomada birinchi bor qatnashayotgan kompaniyalar va ekspertlar ham mavjud. Bu yil ham vazifamiz o‘zgarishsiz qoladi: ovoz berishni xolis va beg‘araz o‘tkazish. Biz bunga tayyormiz!”, — deb ishontirib aytadi De Facto marketing agentligi direktori Aziz Bo‘riyev.
Marosimda “2020-yil brendi” mukofoti 24 ta toifaning har biridagi g‘oliblardan tashqari “Yil shaxsi”, “Marketing va reklamaga qo‘shgan hissasi uchun”, “Yil yangiligi” maxsus sovrinlari ham topshiriladi. Ovoz berish allaqachon boshlangan.
O‘zingiz qatnashing hamda hamkasblar va do‘stlarni ham bunga taklif eting. Sizning ovozingiz sevimli brendingizni qo‘llab-quvvatlashda hal qiluvchi ahamiyatga ega bo‘lishi mumkin!
Izoh (0)