«Миллий маркетинг маркази» корхоналар ассоциацияси талқинига кўра, жорий йилнинг 22 майида IV «2020 йил бренди» мукофоти билан тантанали тақдирлаш маросими ўтказилади. Анъанага кўра, севимли бренд учун овоз бериш имконияти ҳар бир истеъмолчига берилади. Энг фаол компаниялар «Йил бренди» мукофоти билан ўтган йилнинг якунларига кўра, Ўзбекистон бозорида муваффақиятли маркетинг ривожлантирилганлиги учун тақдирланади. Тақдирлаш III Makon Marketing Forum — халқаро маркетинг бизнес форуми доирасида ўтказилади.
«Ўтган йил ҳамма учун мураккаб келди. Ўтган йилги онлайн тадбирларимизда биз кўплаб компанияларнинг ишига таъсир кўрсатган инқироздан чиқиш борасида, бизнес учун тавсиялар берган эдик. Очиқ овоз беришни эълон қилишдан олдин биз, бу йил овоз беришга айнан қандай тоифаларни таклиф этиш юзасидан муҳокама ва таҳлил ўтказдик. Натижада пандемияга қарамай ҳам фаол ишлашда давом этаётган брендларнинг 24 та тоифаси юзага келди. Бозордаги вазиятдан келиб чиқиб, мукофот тоифалари ҳар йили ўзгариб туради. Бу гал мукофотда кўнгилочар боғлар, СКМ, фитнес марказ каби тоифалар қатнашмайди. Бунинг сабаби ҳаммага тушунарли, деб ўйлайман. Аммо янги тоифалар қўшилди: бизнес-курслар, ОТМ, етказиб бериш хизматлари, хусусий тиббиёт марказлари ва бошқалар. Мукофотнинг бош вазифаси ўзгаришсиз қолади — маҳаллий бозорда муваффақиятли ишлаётган компанияларни аниқлаш, қўллаб-қувватлаш ва рағбатлантириш. Бундан ташқари, биз компанияларнинг ўз товар ва хизматларини илгарилатишидаги самарали услубларга эътиборни қаратиш, истеъмолчиларнинг брендлар ҳақидаги фикрларини билиш, истеъмолчиларнинг овоз бериши баробарида тақдим этилаётган хизматлар ҳамда таклиф этилаётган оммавий истеъмол товарлари сифатини баҳоловчи, мустақил профессионал ҳамжамият сифатида намоён бўлаётган ассоциация экспертлари ва ҳамкорларининг фикрларини жамлаш ниятидамиз», — деб қайд этди мукофот ташкилотчиси, «Миллий маркетинг маркази» корхоналар ассоциацияси бошқаруви раиси Диёр Мирзааҳмедов.
Эслатиб ўтамиз, ўтган йили III «2019 йил бренди» мукофоти доирасида биринчи бор (катта муваффақият билан) истеъмолчиларнинг онлайн овоз бериши ўтказилган эди. Мукофотда 100 дан зиёд брендлар қатнашган, овоз беришда 150 000 дан ортиқ киши иштирок этган ва 20 та тоифа бўйича ғолиблар аниқланган.
Жорий йилда истеъмолчиларнинг овоз бериши бошланиб бўлди. У 2021 йил 16 апрелдан 14 майга қадар ўтказилади. Овоз бериш @makon_brand_bot Telegram-ботида ўтказилмоқда. Овозлар сонининг жорий ҳолати nmc.uz сайтида акс этади ва исталган шахс очиқ овоз бериш кечаётган даврда, реал вақт режимида унинг севимли бренди жадвалнинг қайси ўрнида эканлигини кузатиб бориши мумкин.
Мукофотда овоз бериш учун қуйидагилар зарур: @makon_brand_bot ботида рўйхатдан ўтиш, тоифалардан бирини танлаш, ўз овозингизни бермоқчи бўлган брендни топиш ва овоз бериш. Шу тариқа ўз севимли брендингизни танлашингиз ва барча 24 та тоифада овоз беришингиз мумкин.
- Банк хизматлари
- Суғурта компаниялари
- Девелоперлар
- Олий таълим муассасалари
- Бизнес курслар
- Чет тиллари курси ва ўқув марказлари
- Мобил операторлар
- Тўлов тизимлари
- Интернет провайдерлар
- Енгил автомобиллар
- Маиший техника
- Бўлиб тўлаш ёки кредитга маиший техника сотиш дўконлари
- Тезпишар таом ресторанлари
- Озиқ-овқат етказиб бериш хизматлари
- Қаҳвахоналар
- Қандолат маҳсулотлари
- Энергетик ичимликлар
- Ширин газли ичимликлар
- Минерал ичимлик суви
- Колбаса маҳсулотлари
- Озиқ-овқат чакана савдоси
- Янгиликлар интернет сайтлари
- Ювиш воситалари
- Хусусий тиббиёт марказлари
Улардан «Бу йил ботни ишлаб чиқишда ўтган йилги тажрибани инобатга олдик ва ботнинг овоз бериш учун қулай қилишгагина эмас, балки ишончли бўлишига ҳам аҳамият бердик. Рўйхатдан ўтгандан кейин ҳар бир овоз берувчига верификациядан ўтиш ва назорат саволига жавоб бериш таклиф этилади. Бу овоз беришда фақат реал истеъмолчиларни қолдириш имконини беради. Овоз берувчилар учун қулайлик – исталган пайтда овоз беришни давом эттириш имконияти яратилган. Бу ҳақда ботга махсус эслатма келади. Биз катта функционалликка ва бир неча босқичли ҳимояга эга, жуда ишончли бот яратдик. Бутун овоз бериш жараёнида ҳақиқатдан ҳам кўп истеъмолчилар овоз берган бренд ғолиб бўлиши учун барча жараёнларни мониторинг қилиб борамиз», — деган жавоб берилган.
Очиқ овоз беришдан ташқари, параллел равишда ассоциация ҳамкорлари ва экспертлари ўртасида сўров ҳам ўтказилади. Унда 200 дан зиёд респондентлар қатнашади. Профессионал ҳамжамият ўртасидаги сўров натижалари бўйича ҳам барча 24 тоифа бўйича совринлар топширилади.
«De Facto маркетинг агентлигимиз 2018 йилдаги илк мукофотдан буён сўровномани ўтказишда қатнашиб келади. Овоз бериш натижасидан фарқли ўлароқ, истеъмолчилар ва брендларимиз жуда қимматли ва холис ахборот ҳамда йил бўйи қилган ишларининг баҳосини олади, деб ўйлайман. Истеъмолчилар Ўзбекистонда у ёки бу йўналишда товар ва хизматлар таклиф этаётган нечта бренд мавжудлигини яққол кўради, брендлар эса ўз фаолиятларининг матлаби, яъни бевосита истеъмолчиларидан «қайта алоқа»га эга бўлади. Бошқа томондан, бу жиддий тадқиқот бўлиб, энг яхшиларни қайд этиш ва рағбатлантириш, етакчиларни аниқлаш имконини берибгина қолмай, айнан фаол рақобат мавжуд бўлган ҳамда бунинг самараси ўлароқ қизиқарли маркетинг ечимлари кузатиладиган B2C сегменти брендлари қандай ишлаётганлигини ҳам кўрсатади. Бу йил биз анъанага кўра, ассоциация ҳамкорлари ва экспертлари ўртасида сўровнома ўтказамиз. Респондентлар ва ассоциация профессионал ҳамжамияти аъзолари сони йилдан йилга ўсиб бормоқда ва бу бизни қувонтиради. Сўровномада биринчи бор қатнашаётган компаниялар ва экспертлар ҳам мавжуд. Бу йил ҳам вазифамиз ўзгаришсиз қолади: овоз беришни холис ва беғараз ўтказиш. Биз бунга тайёрмиз!», — деб ишонтириб айтади De Facto маркетинг агентлиги директори Азиз Бўриев.
Маросимда «2020 йил бренди» мукофоти 24 та тоифанинг ҳар биридаги ғолиблардан ташқари «Йил шахси», «Маркетинг ва рекламага қўшган ҳиссаси учун», «Йил янгилиги» махсус совринлари ҳам топширилади. Овоз бериш аллақачон бошланган.
Ўзингиз қатнашинг ҳамда ҳамкасблар ва дўстларни ҳам бунга таклиф этинг. Сизнинг овозингиз севимли брендингизни қўллаб-қувватлашда ҳал қилувчи аҳамиятга эга бўлиши мумкин!
Изоҳ (0)