Samarqand viloyatidagi 4 ta bolalar bog‘chasida o‘quv va tarbiya jarayoni masofaviy shaklga o‘tkazildi. Bu haqda “Daryo”ga viloyat maktabgacha ta’lim boshqarmasi axborot xizmati rahbari Umida Mamadaliyeva ma’lum qildi.
Ma’lum bo‘lishicha, Samarqand shahridagi 1-, 2-, 31- va 80-sonli maktabgacha ta’lim tashkilotlarida koronavirus infeksiyasi aniqlanganligi sababli bugun, 23-apreldan boshlab ushbu muassasalarda mashg‘ulotlar masofaviy shaklga o‘tkazilgan.Boshqarma axborot xizmati rahbari Umida Mamadaliyevaning qo‘shimcha ma’lumot berishicha, ta’lim-tarbiya masofaviy shaklga o‘tgan bog‘chalarda 4 nafar tarbiyalanuvchi va 2 nafar tarbiyachida koronavirus kasalligi aniqlangan.
Eslatib o‘tamiz, avvalroq Toshkent viloyatida 14 ta maktab, Buxoro viloyatida esa 11 ta maktab o‘qituvchi va o‘quvchilarda koronavirus aniqlangani sabab karantinga yopilgani, Samarqanddagi 35 ta maktabning o‘qituvchi va o‘quvchilarida koronavirus aniqlangani uchun esa maktablardagi o‘quv jarayoni onlayn shaklga o‘tkazilgani ma’lum qilgandi.
Izoh (0)