O‘zbekiston yarim yildan ortiq vaqtdan buyon oltin sotmayapti. So‘nggi marta 2020-yilning avgust oyida oltin sotilgan. Spot buni noodatiy holat deb baholadi, chunki oltin respublikaning bir necha yillardan buyon asosiy eksporti bo‘lib kelgan.
Ba’zan unga eksportning 50 foizi va undan ortig‘i to‘g‘ri kelgan. So‘nggi yillarda mamlakat yiliga 100 tonnadan ortiq oltin eksport qilgan. Ammo 2021-yilda hali oltin sotmadi.
Ko‘pgina mamlakatlarda oltin qazib oluvchilar uni o‘zlari eksport qiladi. Ammo O‘zbekistonda yagona sotuvchi bu Markaziy bank. U oltinni qazib oluvchilardan (masalan, “Navoiy kon-metallurgiya kombinati”) sotib olib, boshqa mamlakatlarga (asosan Shveysariya) eksport qiladi.
Mavzuga doir: Markaziy bank O‘zbekiston so‘nggi 10 yilda eksport qilgan oltin hajmiga oid ma’lumotlarni e’lon qildi
O‘zbekiston oltin narxi qimmat bo‘lgan (2 ming dollargacha ko‘tarilgan) paytda faol ravishda sotgan. Sentabr oyida, eksport to‘xtagan paytda oltin narxi 1904 dollarga tushdi. Ayni vaqtda bir unsiya oltin narxi 1784 dollarni tashkil etmoqda.
Izoh (0)