Navoiy shahrida yashovchi erkak rashk sabab bir erkak va bir ayolni pichoqlab qo‘ydi, deya xabar bermoqda Tergov departamenti.
Qayd etilishicha, 2021-yilning 20-aprel kuni soat 21:30 larda 24 yoshli X.D. Navoiy shahar S.Ayniy ko‘chasida yashovchi tanishi 28 yoshli X.N. o‘zining yashash xonadonida 29 yoshli A.J. bilan o‘zaro gaplashib turganini ko‘rib qolib, rashk tufayli oshxona pichog‘i bilan X.N. va A.J.ning qorin sohasiga qasddan bir marotabadan urib, jarohat yetkazgan.
Mazkur holat yuzasidan Navoiy shahar IIB huzuridagi Tergov bo‘limi tomonidan X.D.ga nisbatan Jinoyat kodeksining 104-moddasi 2-qismi “l” bandi (qasddan badanga og‘ir shikast yetkazish) bilan jinoyat ishi qo‘zg‘atilib, protsessual tartibda ushlangan.
Hozirda tergov harakatlari olib borilmoqda.
Bundan avval Qashqadaryoda homilador xotini, qaynanasi va ikki nafar bolani pichoqlab o‘ldirgan erkak umrbod qamoq jazosiga hukm qilingani, Samarqandda sobiq turmush o‘rtog‘ining uyiga farzandini ko‘rishga kelgan erkak qaynonasini o‘roq bilan urib o‘ldirgani hamda Surxondaryoda 46 yoshli erkak daraxtdan dovuchcha olayotgan voyaga yetmagan bolani pichoqlab qo‘ygani haqida xabar berilgandi.
Izoh (0)