Ўзбекистон ярим йилдан ортиқ вақтдан буён олтин сотмаяпти. Сўнгги марта 2020 йилнинг август ойида олтин сотилган. Spot буни ноодатий ҳолат деб баҳолади, чунки олтин республиканинг бир неча йиллардан буён асосий экспорти бўлиб келган.
Баъзан унга экспортнинг 50 фоизи ва ундан ортиғи тўғри келган. Сўнгги йилларда мамлакат йилига 100 тоннадан ортиқ олтин экспорт қилган. Аммо 2021 йилда ҳали олтин сотмади.
Кўпгина мамлакатларда олтин қазиб олувчилар уни ўзлари экспорт қилади. Аммо Ўзбекистонда ягона сотувчи бу Марказий банк. У олтинни қазиб олувчилардан (масалан, «Навоий кон-металлургия комбинати») сотиб олиб, бошқа мамлакатларга (асосан Швейцария) экспорт қилади.
Мавзуга доир: Марказий банк Ўзбекистон сўнгги 10 йилда экспорт қилган олтин ҳажмига оид маълумотларни эълон қилди
Ўзбекистон олтин нархи қиммат бўлган (2 минг долларгача кўтарилган) пайтда фаол равишда сотган. Сентябрь ойида, экспорт тўхтаган пайтда олтин нархи 1904 долларга тушди. Айни вақтда бир унция олтин нархи 1784 долларни ташкил этмоқда.
Изоҳ (0)