Niderlandiya Harbiy dengiz kuchlari bir kemadan boshqasiga tezlik bilan o‘tishda yordam beradigan uchishga mo‘ljallangan reaktiv kostyumni sinovdan o‘tkazishni boshladi, deb xabar beradi Hi-Tech.Mail.ru.
Dengiz piyodalari hozircha bu kabi kostyumlardan foydalanish qanchalik samarali bo‘lishini tekshirib ko‘rmoqda. Dastlabki sinov natijalariga ko‘ra, u tijorat kemalarini tekshirishda qo‘l kelishi ma’lum bo‘lgan.
Harbiylar hozirda bu kabi qurilmadan harbiy harakatlarda qanday foydalanish mumkinligini va bu qanchalik foyda berishini o‘ylamoqda — bunga xalaqit berishi mumkin bo‘lgan ayrim sabablar mavjud. Reaktiv kostyum u qadar uzoq bo‘lmagan masofaga qanchalik tez harakatlanish imkonini beradi — u soatiga 80 kilometr tezlikda ucha oladi, biroq yoqilg‘i zaxirasi maksimum 8 daqiqaga yetadi.
Innovatie in beeld, gaan onze mariniers zich in de toekomst zo verplaatsen? Check filmpje, zou zo maar kunnen! pic.twitter.com/9PzZwFkTMk
— René Tas (@admiraalTas) April 9, 2021
Shu bilan birga, kostyum juda qo‘pol, uning yordamida jangovar harakatlarni amalga oshirish imkonsiz. Shu sababli uni hujumdan so‘ng qanday qilib tez yechish usulini o‘ylash kerak bo‘ladi.
Eslatib o‘tamiz, 2017-yilda britaniyalik muhandis va tadbirkor, Gravity texnologik startapining asoschisi Richard Brauning o‘zi yaratgan uchar kostyumda jahon rekordini o‘rnatgandi.
Izoh (0)