Amerikadagi CharaChorder startapi CharaCHorder Lite nomli intellektual klaviaturani yaratish bo‘yicha yangi loyihani ishga tushirdi, deb xabar beradi “Korrespondent.net”.
Ixtirochilar oldingi tezlashtirilgan matn terish tizimini uch o‘lchamli murakkab o‘tkazgichli ikkitalik modulli kombinatsiyadan iborat butun boshli so‘zlarni tanlash imkoniyati orqali soddalashtirgan.
Yangi CharaChorder Lite oddiy klaviatura kabi ko‘rinishga ega, biroq so‘z terish dasturi foydalanuvchi butun boshli matnni yozmasligini ta’minlaydi. Klavishlar kombinatsiyasi keng tarqalgan qator so‘zlarni taqdim etadi va ular orasidan keraklisini tanlab olish mumkin — bu “akkord” deb ataladi.
Bundan tashqari, gapdagi so‘zni to‘g‘ri tartibda yozish shart emas, texnologiya so‘zlarni gapga moslab terib chiqishga qodir. Mazkur ixtiro buzilgan imlo bilan ham so‘zlarni osonlikcha o‘qiy oladigan inson ongi xususiyatlariga asoslangan.
Dasturda mavjud akkordlarga istalgancha qo‘shimcha qo‘shish mumkin, masalan, professional matn yozish uchun. Ma’lumotlarni qayta ishlash klaviatura ichida amalga oshiriladi, Mac OS, Windows, iOS, Android va Linux bilan ishlash talab etilmaydi.
Bu orqali oddiy foydalanuvchi daqiqasiga 40 ta so‘z yozish tezligini 250 tagacha yetkazishi mumkinligi aytilmoqda. Qurilma narxi 299 dollarni tashkil etadi.
Avvalroq AQShda qog‘ozdan Bluetooth-klaviatura yaratilgani to‘g‘risida xabar berilgandi.
Izoh (0)