Jahon kinosi yulduzi Jeki Channing shaxsiy hayoti haqida ko‘pchilikka noma’lum bo‘lgan ma’lumotlar

Oilasining qashshoqligi tufayli tug‘ilayotgandayoq britaniyalik shifokorga sotib yuborilishiga oz qolgan chaqaloq — mashhur aktyor Jeki Chan 7-aprel kuni 67 yoshga to‘ldi. Shu sana bahonasida bilan aktyorning oilaviy munosabatlariga oid siz bilmagan ma’lumotlar bilan bo‘lishamiz.

Xitoyliklar an’anasiga ko‘ra, tug‘ilgan kunlar doimo oila davrasida kamtarona nishonlanadi. Jekining so‘zlariga ko‘ra, asosiysi, uning yonida hayoti davomida yelkadosh bo‘lgan sevimli rafiqasi Joan Lin bo‘lishidir.

Jeki va Joan birinchi marta 1982-yilda Gonkongda uchrashishgan. Bu payt Jeki Chan allaqachon shuhrat cho‘qqisida edi, shuningdek, Don Juan sifatida ham tanilib ulgurgandi. Bundan tashqari, kung-fu ustasini, yumshoq qilib aytganda, odobli deb ham bo‘lmasdi, u qo‘pol hazillar qilishi bilan ham mashhur edi. Ammo tasodifiy uchrashuv Jekini butunlay o‘zgartirib yubordi! Sohibjamol aktrisa Joan Lin mukammallikning o‘zi edi: shirinso‘z, mehribon va kamtarin qiz u ilgari tanish bo‘lgan aktrisalarga umuman o‘xshamasdi. Unda hattoki chiroyli mulozamat, takabburlikning soyasi ham yo‘q edi, u Jekiga ajoyib, nozik gul kabi tuyulardi. Shu sababli Jeki bu go‘zallik timsoliga qanday muomala qilishni ham bilmasdi. Joan ham uning oldida o‘zini noqulay his qilardi: aktyorning obro‘si uning qanday odam ekani haqida so‘zlasa-da, lekin u yigitning qo‘pol qiyofasi ortida mehr-muhabbatga to‘la mehribon va saxovatli yurak turganligini ko‘ra oldi va u bu borada adashmagan edi.

Jeki tabiatan qo‘rs bo‘lsa-da, Joanga yoqa boshlaganini sezgach, mehribon va e’tiborli odamga aylana boshladi. Natijada ular o‘rtasida sevgi munosabatlari paydo bo‘ldi. Ko‘p o‘tmay Los-Anjelesdagi restoranlardan birida ularning to‘yi bo‘lib o‘tdi. O‘g‘il farzand tug‘ilishi bilan oilaviy munosabatlar yanada mustahkamlandi. Joan farzandi va turmush o‘rtog‘iga g‘amxo‘rlik qilish uchun o‘z xohishi bilan kino olamini tark etdi.

Turmush mushtsiz bo‘lmaganidek, vaqt o‘tgani sari oilada turli xil tushunmovchiliklar yuzaga kela boshladi. To‘ydan oldin Jeki Chan saxiylik timsoli bo‘lgan bo‘lsa, endi u to‘satdan ortiqcha chiqimlarga yo‘l qo‘ymaydigan qattiqqo‘l otaga aylandi. Aytishlaricha, u kichrayib ketgan sovun bo‘laklarini ham tashlab yubormaydi. Ehtimol, uning bunday bo‘lishiga nochor o‘tgan bolaligi ham sabab bo‘lgandir.

Ammo Joan suratga olish maydonchasida oylab qolib ketadigan eri unga xarajatlari uchun ajratgan kamtarona mablag‘dan hech ham norozi bo‘lmagan. U Jekining bunday kamchiqimliligiga ahamiyat bermasdi: Joanga faqat u kerak edi — sevimli va tengi yo‘q Jeki. Ammo Jeki Chan bir marta rafiqasiga osiyolik yosh aktrisa, go‘zal Eleyn U Silini deb xiyonat qilgan. Uning bu ishi rafiqasiga nisbatan o‘ta adolatsizlik ekanini esa kech tushundi.

Uzoq davom etgan munosabatlar natijasida Eleyn qiz farzand dunyoga keltirdi. To‘g‘ri yo‘ldan adashgan va aybdor Jeki Chan rafiqasi u bilan ajrashishi muqarrarligini, Joan xiyonatni kechirmasligini tushunib yetgandi. Ammo kutilmaganda u o‘ylaganchalik bo‘lmadi: rafiqasidan u o‘ziga nisbatan birorta haqorat eshitmadi! Joan uni nafaqat kechirdi, balki jamoat joylarida turmushidan nolimadi, hatto erining xiyonati haqida izoh bermadi ham.