Suratga olish ishlaridan ortmasligi, turli loyihalar bilan band ekaniga qaramay, yulduzlar ham sevimli mashg‘ulot bilan shug‘ullanishga vaqt ajratishni yaxshi ko‘radi.
To‘qish
Gollivud yulduzlaridan Zeta Jons, Juliya Roberts, Meril Strip, Uma Turmandan tashqari Vaynona Rayder, Sara Jessika Parker, Amanda Seyfrid, Sandra Balloklar to‘qish bilan shug‘ullanadi. Bu hali emas, erkak yulduzlar orasida ham ushbu mashg‘ulotni yaxshi ko‘radiganlar bor. Rassel Krou, Tom Xenks va Devid Duxovnilar shular jumlasidan. Asablarni tinchlantirib, tinchlanishga yordam beradigan to‘qish bilan yulduzlar suratga olish maydonchasining o‘zidagina shug‘ullanmaydi, to‘qilgan kiyimlarni kiyishni va sovg‘a qilishni ham yaxshi ko‘radi. Juliya Roberts va Meril Stripni o‘z ijod mahsuli namunasi bo‘lgan kiyimlarda ko‘p uchratish mumkin.
Skrabbuking (qo‘l ishi bilan oilaviy va shaxsiy fotoalbomlar tayyorlash)
Skrabbuking bilan shug‘ullanadigan Keti Xolms yaqinlari va do‘stlariga o‘z qo‘l ishi bilan tayyorlagan albom va tabriknomalarni sovg‘a qiladi. Aktrisa ushbu mashg‘ulot uchun oyiga 3 ming dollarga yaqin mablag‘ sarflaydi.
Felting (o‘yinchoq va turli narsalar yasash)
Juliya Roberts to‘qishdan tashqari felting bilan ham shug‘ullanadi. 2006-yilda o‘zi yasagan sumkani tutib ko‘rinish bergan.
Charm matodan sumka va hamyonlar yasash
Charm va tekstil matosidan kosmetika soladigan sumka va hamyonlar yasaydigan Sheron Stoun, ijod mahsulini yaqinlariga sovg‘a qiladi. 1999-yilda LV modalar uyi uchun “AmFAR” keysi dizaynini ishlab chiqqan. Ushbu sumka Venetsiya xalqaro kinofestivalida 45 ming dollarga sotilgan.
“Kryuchok” bilan to‘qish
Aktrisa Fosterning Instagram sahifasida “kryuchok” bilan to‘qilgan bolalar gilamchasi, yumshoq o‘yinchoqlar: jirafa, ayiq va filchalarni ko‘rish mumkin. Suratga olish maydonchalarida ham sevimliga aylangan mazkur mashg‘ulotga uni qizi Emili ilhomlantiradi.
“Jonglirovaniye” (sharchalarni otib o‘ynash)
“Sumerki” yulduzi Kristen Styuart intervyular davomida fokuslarni yaxshi ko‘rishi va sharchalarni otib o‘ynash uning sevimli mashg‘uloti ekanini ta’kidlagan. Suratga olish maydonchasida hamkasbining sharlar bilan o‘ynashiga guvoh bo‘lgan Robert Pattinson uning ushbu mahoratiga hayron qolgan.
Pazandachilik
Yeva Longoriya, Jessika Alba, Emmo Stounlar taom pishirishni juda ham yaxshi ko‘radi. Gvinet Peltrou esa bu mashg‘ulotga mukkasidan ketgan va pazandachilikka oid kitob chiqarish bilan birga, blog yuritishni ham boshlagan. Unda ushbu qiziqish paydo bo‘lishiga otasi sababchi bo‘lgan.
Kompyuter o‘yinlari
Mila Kunis World of Warcraft o‘yinining fanati hisoblanadi. Intervyulardan birida Kunis o‘zini kompyuter o‘yinlarining “narkomani” deb atagan. Qolaversa, u hamma ham o‘yin borasida uning oldiga tusholmasligini ta’kidlagan.
Izoh (0)