6-aprel kuni Kim Kardashyan Forbes’ning eng badavlat kishilar ro‘yxatidan o‘rin olgan. Uning moliyaviy ahvoli 1 milliard dollarga baholangandi. Kim bunday daromadga yiliga 10 million dollar olib kelgan Keeping Up With The Kardashians realiti-shousi va Instagram sahifasidagi reklama postlari sabab ega bo‘lgan.
Ammo mablag‘ning katta qismi uning shaxsiy brendlari KKW Beauty va Skims ortidan kelgan. Bugungi kundaSkims 500 million dollarga baholanadi, undagi Kimning ulushi esa 225 millionni tashkil qiladi. Yana 200 million dollarga esa KKW Beauty aksiyalarining bir qismini sotganidan keyin erishgan. Daromad topishdan ham ko‘ra uni sarflashga usta bo‘lgan modelning eng katta xaridlari haqida ma’lumot berib o‘tamiz.
Jaklin Kennedining 379 500 dollarlik soati
2017-yilda Kim Christie’s auksionida Jaklinga tegishli Cartier Tank soatini 379 500 dollarga xarid qilgan. Qora kamarli, to‘rtburchak, 750 probali tilladan ishlangan soatni Kennedi xonimga polyak biznesmeni va diplomati Stanislav Razivil sovg‘a qilgan. Mazkur soatni Kim 2019-yil AQShning sobiq prezidenti Donald Tramp bilan uchrashganida taqqan.
750 ming dollarlik tilla suvi yugurtirilgan unitazlar
2013-yilda hali turmush qurib ulgurmagan Kim va Kanye Los -Anjelesning Bel-Eyr tumanidagi uyini ta’mirlatish davomida to‘rtta tilla suvi yugurtirilgan unitaz sotib olgan. Bu juftlikka 750 ming dollarga tushgan.
Dunyodagi eng qimmat karavotlar — 1,05 million dollar
Tilla suvi yugurtirilgan unitazlar Kim xonadonidagi yagona qimmatbaho buyum emas. U Kanye bilan birga SavoirBeds tomonidan ishlab chiqariladigan, Royal State karavotlaridan (har birining narxi 175 ming dollar) naqd oltita xarid qilgan. 2013-yilda qirolicha Yelizaveta II 60 yoshga to‘lgani munosabati bilan mazkur karavotlardan atigi 60 ta ishlab chiqarilgan. Har biriga 700 soat vaqt sarflangan, qo‘l ishi bo‘lgan mazkur karavotlarning dizayni borasida XVII-XVIII asr fransuz monarxlaridan ilhomlanilgan. Kimdan tashqari Opra Uinfri, Madonna, Kayli Minoug vaElton Jonda ham shunday karavot bor.
Bir yarim yashar qizi uchun 550 ming dollarlik brilliant zirak
To‘rt nafar farzandning onasi bo‘lgan model ular dunyoga kelganidan buyon qimmatbaho sovg‘alar bilan siylash bilan birga, tug‘ilgan kunlarida ziyofatlar uyushtiradi. Eng qimmatbaho sovg‘ani katta qizi Nort qo‘lga kiritgan. 16 oyligida onasi unga brilliant zirak sovg‘a qilgan. Qimmatbaho zirak dizayner Loreyn Shvars tomonidan taqdim qilingan.
Uyining orqa hovlisidagi 60 mln dollarlik ko‘ngilochar bog‘
2017-yilda Kim va Kanye 20 million dollarga Xayden-Xillzdan yana bir uy sotib olgan. Juftlik 2010-yilning boshidan haddan ortiq dabdabadan voz kecha boshlagan va yangi uyini minimal uslubdagi interyer bilan jihozlashni afzal bilgan. Model mazkur uyining orqa hovlisida 60 million dollarlik o‘yin bog‘i qurdirgan. Kim KKW Beauty butiki va Lego qasrini o‘z ichiga oladigan kichik shaharchani Lil Hidden Hills deb atagan. Tashrif buyuruvchilar unda 50-yillar uslubidagi West Diner yemakxonasi, oziq-ovqat, shuningdek, gul do‘koni, bankomat, kottejlar va hatto Starbucks’ning kichik versiyasini ham uchratishi mumkin.
Kanyega sovg‘a sifatida Bagama orollarida 440 ming dollarlik dam olish
Juftlik birga vaqtida bir-biriga qimmatbaho tuhfa qilishdan charchamagan. Reperning 40 yoshga to‘lishi munosabati bilan rafiqasi Bagamadagi Greyt-Guana-Key kurortini 4 kunga ijaraga olgan. Juftlik u yerda vaqtini do‘stlari bilan chog‘ o‘tkazgan. Refinery 29 jurnalining ma’lum qilishicha, Kim buning uchun 440 ming dollar sarflagan. Avvalroq Kim Kardashyanning 40 yoshdan oshgan eng go‘zal ayollar ro‘yxatidan o‘rin olgani haqida xabar berilgandi.
Mavzuga doir:
Izoh (0)