Жаҳон киноси юлдузи Жеки Чаннинг шахсий ҳаёти ҳақида кўпчиликка номаълум бўлган маълумотлар

Оиласининг қашшоқлиги туфайли туғилаётгандаёқ британиялик шифокорга сотиб юборилишига оз қолган чақалоқ — машҳур актёр Жеки Чан 7 апрель куни 67 ёшга тўлди. Шу сана баҳонасида билан актёрнинг оилавий муносабатларига оид сиз билмаган маълумотлар билан бўлишамиз.

Хитойликлар анъанасига кўра, туғилган кунлар доимо оила даврасида камтарона нишонланади. Жекининг сўзларига кўра, асосийси, унинг ёнида ҳаёти давомида елкадош бўлган севимли рафиқаси Жоан Лин бўлишидир.

Жеки ва Жоан биринчи марта 1982 йилда Гонконгда учрашишган. Бу пайт Жеки Чан аллақачон шуҳрат чўққисида эди, шунингдек, Дон Жуан сифатида ҳам танилиб улгурганди. Бундан ташқари, кунг-фу устасини, юмшоқ қилиб айтганда, одобли деб ҳам бўлмасди, у қўпол ҳазиллар қилиши билан ҳам машҳур эди. Аммо тасодифий учрашув Жекини бутунлай ўзгартириб юборди! Соҳибжамол актриса Жоан Лин мукаммалликнинг ўзи эди: ширинсўз, меҳрибон ва камтарин қиз у илгари таниш бўлган актрисаларга умуман ўхшамасди. Унда ҳаттоки чиройли мулозамат, такаббурликнинг сояси ҳам йўқ эди, у Жекига ажойиб, нозик гул каби туюларди. Шу сабабли Жеки бу гўзаллик тимсолига қандай муомала қилишни ҳам билмасди. Жоан ҳам унинг олдида ўзини ноқулай ҳис қиларди: актёрнинг обрўси унинг қандай одам экани ҳақида сўзласа-да, лекин у йигитнинг қўпол қиёфаси ортида меҳр-муҳаббатга тўла меҳрибон ва саховатли юрак турганлигини кўра олди ва у бу борада адашмаган эди.

Жеки табиатан қўрс бўлса-да, Жоанга ёқа бошлаганини сезгач, меҳрибон ва эътиборли одамга айлана бошлади. Натижада улар ўртасида севги муносабатлари пайдо бўлди. Кўп ўтмай Лос-Анжелесдаги ресторанлардан бирида уларнинг тўйи бўлиб ўтди. Ўғил фарзанд туғилиши билан оилавий муносабатлар янада мустаҳкамланди. Жоан фарзанди ва турмуш ўртоғига ғамхўрлик қилиш учун ўз хоҳиши билан кино оламини тарк этди.

Турмуш муштсиз бўлмаганидек, вақт ўтгани сари оилада турли хил тушунмовчиликлар юзага кела бошлади. Тўйдан олдин Жеки Чан сахийлик тимсоли бўлган бўлса, энди у тўсатдан ортиқча чиқимларга йўл қўймайдиган қаттиққўл отага айланди. Айтишларича, у кичрайиб кетган совун бўлакларини ҳам ташлаб юбормайди. Эҳтимол, унинг бундай бўлишига ночор ўтган болалиги ҳам сабаб бўлгандир.

Аммо Жоан суратга олиш майдончасида ойлаб қолиб кетадиган эри унга харажатлари учун ажратган камтарона маблағдан ҳеч ҳам норози бўлмаган. У Жекининг бундай камчиқимлилигига аҳамият бермасди: Жоанга фақат у керак эди — севимли ва тенги йўқ Жеки. Аммо Жеки Чан бир марта рафиқасига осиёлик ёш актриса, гўзал Элейн У Силини деб хиёнат қилган. Унинг бу иши рафиқасига нисбатан ўта адолатсизлик эканини эса кеч тушунди.

Узоқ давом этган муносабатлар натижасида Элейн қиз фарзанд дунёга келтирди. Тўғри йўлдан адашган ва айбдор Жеки Чан рафиқаси у билан ажрашиши муқаррарлигини, Жоан хиёнатни кечирмаслигини тушуниб етганди. Аммо кутилмаганда у ўйлаганчалик бўлмади: рафиқасидан у ўзига нисбатан бирорта ҳақорат эшитмади! Жоан уни нафақат кечирди, балки жамоат жойларида турмушидан нолимади, ҳатто эрининг хиёнати ҳақида изоҳ бермади ҳам.