Isroilda oxirgi ikkita koronavirusdan davolanish bo‘limlari ham yopildi. Bu haqda Ynet News xabar berdi.
Mamlakatda koronavirusga chalinganlar davolanuvchi bo‘limlar bir necha hafta oldin yopila boshlagan edi. Xadera shahridagi Xillel Yaffe va Tveriya shahridagi Barux Pade tibbiyot markazlari mamlakatda koronavirusga chalinganlarni davolayotgan oxirgi ikkita tibbiyot bo‘limi edi.
Endilikda ikkala bo‘lim ham butunlay yopildi, bemorlar esa davolanish uchun statsionar bo‘limlarga o‘tkazildi.
Avvalroq Isroildagi epidemiologik vaziyatning yaxshilanishi munosabati bilan ko‘chalarda tibbiy niqob taqish majburiyati bekor qilingandi. Lekin mamlakat Sog‘liqni saqlash vazirligi odam gavjum bo‘lgan sharoitda niqob taqishni tavsiya qiladi. Bino ichida esa niqob taqish majburiy bo‘lib qolmoqda.
Ma’lumot uchun, Isroil aholini koronavirusga qarshi emlash tezligi bo‘yicha dunyoda yetakchi bo‘lib qolmoqda. “2021-yil marti oxiriga kelib, 16 yoshdan katta bo‘lgan isroilliklarning barchasi Pfizer/BioNTech vaksinasi bilan emlana oladi”, — deya mamlakat bosh vaziri Binyamin Netanyaxu fevral boshida e’lon qilgan edi.
Mavzuga doir:
- Chechenistonda ham niqob taqmay yurishga ruxsat berildi va respublika hududiga kirish ochib qo‘yildi
- Rossiya Oliy sudi niqob rejimini bekor qilishni rad etdi. Da’vogarlarning bir qismi niqob taqmagani uchun sudga kiritilmadi
- AQShning Texas va Missisipi shtatlari niqob taqish majburiyatini bekor qildi va tadbirkorlar uchun cheklovlarni olib tashladi
- Udmurtiya Rossiya hududlari ichida birinchi bo‘lib niqob taqish majburiyatini bekor qildi
Izoh (0)