Bugun,

  • USD 10940.05
  • RUB 182.26
  • EUR 11121.65

Rossiya Federatsiyasi tarkibiga kiruvchi Udmurtiya respublikasida 12-fevraldan boshlab himoya niqoblarini majburiy taqish bekor qilinadi. Bu haqda respublika rahbari Aleksandr Brechalov ma’lum qildi, deb yozmoqda Meduza.

Aleksandr Brechalov

Aleksandr Brechalov
Foto: “TASS”

“12-fevral, juma kunidan boshlab hududdagi niqob taqish rejimi tavsiyaviy xususiyatga ega bo‘ladi”, — deya ta’kidladi Brechalov. Shu bilan birga, respublika rahbari aholini jamoat joylarida, do‘konlar, teatr va transportda niqoblardan foydalanishga chaqirdi.

Xabarga ko‘ra, Udmurtiya Rossiyaning niqob taqish talabi bekor qilingan birinchi hududi bo‘ldi.

2020-yil oktabr oyida Rossiyaning iste’molchilar huquqlarini himoya qilish va inson farovonligini nazorat qilish bo‘yicha federal xizmati (“Rospotrebnadzor”) mamlakatdagi hudud rahbarlariga jamoat joylarida niqob taqish ustidan nazoratni kuchaytirishni tavsiya qilgandi. Oradan bir oy o‘tmasdan, 18-noyabr kuni bosh vazir o‘rinbosari Tatyana Golikova “niqob taqish rejimi mamlakatning barcha hududlarida joriy qilindi”, deya e’lon qilgan.

Dekabr oyining o‘rtalaridan boshlab mamlakatda koronavirusga chalinish bo‘yicha yangi holatlar soni asta-sekin kamayib bormoqda. Jons Hopkins universteti ma’lumotlariga ko‘ra pandemiya boshidan beri Rossiyada virus yuqtirganlar soni 3,9 million kishini tashkil etgan, ulardan 76,3 ming nafari vafot etgan.

Avvalroq JSST koronavirusdan sog‘ayganlarga niqob taqishda davom etishni maslahat bergandi.

Eslatib o‘tamiz, 25-yanvardan Avstriya aholisiga do‘kon va jamoat transportida odatiy mato niqob o‘rniga yuqori himoyalangan FFP2 respiratorini taqishi majburiy etib belgilangan edi.

FFP2 respiratorini taqish faqat Avstriyada emas, Germaniyada ham majburiy qilingan. Mazkur qoida birinchi bo‘lib Germaniyaning eng yirik federal shtati Bavariyada kuchga kirgan. Angela Merkelning 16 ta federal shtatlar rahbarlari bilan uchrashuvidan so‘ng respirator taqish butun Germaniya aholisiga majburiy qilingan. Germaniyada amaldagi cheklovlar 14-fevralga qadar uzaytirilgan.

 

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi