AKFA Group AKFA Future Step oliy o‘quv yurti talabalari uchun ilk yillik grant dasturini e’lon qiladi

AKFA Group universitet talabalari uchun yangi grant dasturi – AKFA Future Step’ning boshlanganligini e’lon qiladi. Dastur har yili o‘tkazilishi rejalashtirilgan. Loyihaning asosiy maqsadi iste’dodli yoshlarni aniqlash va ularni qo‘llab-quvvatlashdir.

Dasturning birinchi bosqichi – arizalar qabuli 20-apreldan boshlanib 20-mayga qadar davom etadi. Shundan so‘ng dasturning ikkinchi bosqichi – arizalarni baholash jarayoni boshlanadi. Jarayonni AKFA Group mutaxassislari va top-menejerlari olib boradi.

Dastur iqtidorli yoshlarni qo‘llab-quvvatlash va ularning aqliy hamda ijodiy qobiliyatlarini rivojlantirishni rag‘batlantirish uchun zarur shart-sharoitlarni yaratishga qaratilgan.

AKFA Future Step O‘zbekiston oliy o‘quv yurtlarining moliya, muhandislik, IT texnologiyasi sohalarida ta’lim olayotgan talabalarga mo‘ljallangan. Dasturda davlat va nodavlat oliy o‘quv yurtlarining barcha talabalari ixtiyoriy ravishda qatnashishi mumkin.

AKFA Future Step 25 nafar talabaga mo‘ljallangan. Grant miqdori bir nafar talabaga 25 000 000 so‘m miqdorda belgilangan. Ishtirok etish uchun dastur veb-saytidagi ishtirokchi shaklini va motivatsion xatni to‘ldirishingiz lozim. Yutuqlaringizni tasdiqlovchi hujjatlar ham ko‘rib chiqiladi (ta’lim jarayonida olgan natijalaringiz, mukofot, diplom va sertifikatlar, ko‘ngillilar faoliyatida qatnashganingizni tasdiqlovchi hujjatlarning elektron shakli).

“AKFA Future Step loyihasi doirasida biz istiqbolli va intiluvchan yoshlarni qo‘llab-quvvatlaymiz hamda rivojlantiramiz. Mamlakatimizda o‘z g‘oyalarini taqdim etishdan va himoya qilishdan qo‘rqmaydigan, tez orada innovatsion startaplarni ishga tushirib, qiziqarli loyihalarni amalga oshirib, umuman mamlakatimiz rivojiga o‘z hissasini qo‘shadigan yoshlarimiz ko‘p. Bizning maqsadimiz ana shunday yoshlarni izlab topish va ularga o‘z qobiliyatlarini 100 foiz namoyon qilishlarida ko‘maklashishdir. Biz ularga o‘zlari sevgan va yashaydigan sohalarda eng oldi mutaxassis bo‘lishi uchun imkoniyat yaratamiz”, – deydi AKFA Group ijrochi direktori Kamron G‘ulomov.

Veb-sayt: http://futurestep.akfagroup.com/uz

Reklama huquqi asosida.