Uzoq yillardan buyon O‘zbekistonda sement yetishmovchiligi qurilish sohasining eng og‘riqli muammolaridan biri bo‘lib kelmoqda. Yildan yilga oshib borayotgan sement importi ham bunga yaqqol dalil bo‘la oladi. Ayni damda mamlakatimiz ekologiyaga eng minimal ta’sir etuvchi, avtomatlashtirilgan, zamonaviy infrastrukturaga ega, sifatli mahsulot ishlab chiqarishga ixtisoslashgan o‘nlab zavodlarga ehtiyoj sezmoqda. “Yevrosement Grup” xoldingi tarkibiga kiruvchi, “Ohangaronsement” korxonasi negizida yangi tashkil etilgan qurilish materiallari ishlab chiqarish bo‘yicha sanoat klasteri ana shunday muammolarga yechim berishi ko‘zda tutilgan.
Klasterning asosiy loyihasi zamonaviy, quruq usulda sement ishlab chiqaruvchi zavod bo‘lib, yiliga 3 million tonna mahsulot ishlab chiqarish quvvatiga ega. Bu esa O‘zbekistonda 2020-yil davomida ishlab chiqarilgan jami sement hajmining chorakdan ko‘p qismiga teng degani.
Bundan tashqari, klaster doirasida quyidagi loyihalar — yiliga 100 ming kub metr quvvatga ega bo‘lgan, yuqori markali zilzilaga bardoshli beton va temir-beton mahsulotlarini ishlab chiqarishning yangi liniyasi, yiliga 4 ming tonna quvvatga ega, olovga chidamli (pishiq) g‘isht ishlab chiqarishning yangi liniyasi amalga oshirilgan. Klasterni rivojlantirishga 200 million dollar investitsiya jalb qilingan. Loyiha doirasida 300 dan ziyod yangi ish o‘rinlari yaratilgan bo‘lib, unda turli mutaxassislar malakasi uzluksiz ravishda oshirib boriladi.
Klaster faoliyati 2018-yilning oktabr oyida maydoni 10 gektarni tashkil etadigan qurilishning “birinchi toshi” qo‘yilishidan boshlandi. Yangi texnologik liniya amaldagi korxona hududida mavjud infratuzilmalardan maksimal darajada foydalangan holda qurildi. 2021-yil 28-yanvar kuni klinker kuydirish sexida aylanma pech ishga tushirildi va birinchi klinker olindi, 12-fevral kuni birinchi marta yuqori sifatli 500 markali portlandsement olindi.
“Yiliga 3 million tonna quvvatga ega, yangi yuqori texnologiyali sement ishlab chiqarishning joriy etilishi mavjud ho‘l usulda mahsulot ishlab chiqaruvchi zavodning atrof-muhitga ta’sirini yaxshilash bo‘yicha navbatdagi investitsiya rejasini amalga oshirishga sharoit yaratadi. Yiliga jami 5 million tonna sement ishlab chiqarish quvvatiga ega, zamonaviy majmua mavjud quvvatlarni modernizatsiya qilish, xalqaro standartlarning zamonaviy talablariga javob beradigan xususiyatlarni ta’minlash imkonini beradi», – deydi “Ohangaronsement” korxonasi bosh texnologi Ulug‘bek Umaraliyev.
E’tiborga molik jihati, zavod ishlab chiqarish maydonining barcha bo‘linmalarida 85 ta eng yangi filtr tizimlarini o‘rnatish hisobiga atrof-muhitga ta’sirni minimallashtirishga erishilgan.
Mahsulotlarning keng assortimenti, jumladan, yuqori markali sementni ham o‘z ichiga oladi va O‘zbekistondagi eng muhim qurilishlarga jo‘natiladi. Bularga yo‘l tutashmalari, aerodrom qoplamalari, elektr stansiyalari, atom elektrostansiyalari qurilishi, turar joy, ofis va savdo binolari kiradi.
Qurilish materiallari klasteri doirasida istiqbolda respublikaning tobora o‘sib borayotgan qurilish kompleksi uchun boshqa zamonaviy mahsulotlar ishlab chiqarishda ham innovatsion texnologiyalarni joriy qilish ko‘zda tutilmoqda. Bu esa yuqorida ta’kidlaganimizdek, mamlakatning qurilish materiallariga bo‘lgan ehtiyojini qoplashda o‘zining zalvorli natijasini beradi.
“Ohangaronsement” AJ
Manzil: 110300 O‘zbekiston, Toshkent viloyati, Ohangaron tumani, Ohangaron shahri, Sanoat hududi
Telefon: +99870 645 70 00/01
E-mail: agc@eurocem.ru
Sotish boshqarmasi bilan bog‘lanish uchun telefon/faks: +99870 645 70 05/02
“Ohangaronsement” AJ tarkibiga kiruvchi qurilish materiallari va konstruksiyalari kombinati
Manzil: 100150 O‘zbekiston, Toshkent shahri, Sergeli tumani, Nilufar ko‘chasi, 30-uy
Telefon/faks: +99871 215 27 41
Mobil telefon: +99897 723 31 77, +99890 370 30 82
E-mail: ksmk@eurocem.ru
Reklama huquqi asosida.
Izoh (0)