AKFA Group университет талабалари учун янги грант дастури – AKFA Future Step’нинг бошланганлигини эълон қилади. Дастур ҳар йили ўтказилиши режалаштирилган. Лойиҳанинг асосий мақсади истеъдодли ёшларни аниқлаш ва уларни қўллаб-қувватлашдир.
Дастурнинг биринчи босқичи – аризалар қабули 20 апрелдан бошланиб 20 майга қадар давом этади. Шундан сўнг дастурнинг иккинчи босқичи – аризаларни баҳолаш жараёни бошланади. Жараённи AKFA Group мутахассислари ва топ-менежерлари олиб боради.
Дастур иқтидорли ёшларни қўллаб-қувватлаш ва уларнинг ақлий ҳамда ижодий қобилиятларини ривожлантиришни рағбатлантириш учун зарур шарт-шароитларни яратишга қаратилган.
AKFA Future Step Ўзбекистон олий ўқув юртларининг молия, муҳандислик, IT технологияси соҳаларида таълим олаётган талабаларга мўлжалланган. Дастурда давлат ва нодавлат олий ўқув юртларининг барча талабалари ихтиёрий равишда қатнашиши мумкин.
AKFA Future Step 25 нафар талабага мўлжалланган. Грант миқдори бир нафар талабага 25 000 000 сўм миқдорда белгиланган. Иштирок этиш учун дастур веб-сайтидаги иштирокчи шаклини ва мотивацион хатни тўлдиришингиз лозим. Ютуқларингизни тасдиқловчи ҳужжатлар ҳам кўриб чиқилади (таълим жараёнида олган натижаларингиз, мукофот, диплом ва сертификатлар, кўнгиллилар фаолиятида қатнашганингизни тасдиқловчи ҳужжатларнинг электрон шакли).
«AKFA Future Step лойиҳаси доирасида биз истиқболли ва интилувчан ёшларни қўллаб-қувватлаймиз ҳамда ривожлантирамиз. Мамлакатимизда ўз ғояларини тақдим этишдан ва ҳимоя қилишдан қўрқмайдиган, тез орада инновацион стартапларни ишга тушириб, қизиқарли лойиҳаларни амалга ошириб, умуман мамлакатимиз ривожига ўз ҳиссасини қўшадиган ёшларимиз кўп. Бизнинг мақсадимиз ана шундай ёшларни излаб топиш ва уларга ўз қобилиятларини 100 фоиз намоён қилишларида кўмаклашишдир. Биз уларга ўзлари севган ва яшайдиган соҳаларда энг олди мутахассис бўлиши учун имконият яратамиз», – дейди AKFA Group ижрочи директори Камрон Ғуломов.
Веб-сайт: http://futurestep.akfagroup.com/uz
Реклама ҳуқуқи асосида.
Изоҳ (0)