Agar printer tanlashga to‘g‘ri kelsa, ko‘pchiligimiz eng avvalo, “Lazerli printer olish kerakmi yoki purkovchi printer?”, degan savolga to‘xtalamiz.
Ularning asosiy farqi nimada?
Purkovchi printerda siyohlar maxsus siyoh yo‘llari orqali chop etish kallagiga borib tushadi va chop etish kallagi ularni turli xil rangdagi, minglab mikroskopik tomchilar bilan qog‘ozga sepadi.
Lazerli printerda esa fotobaraban mavjud bo‘lib, unga tasvir lazer orqali tushiriladi. Toner qog‘oz varag‘iga tushgach, varaq pechga yuboriladi. U yerda toner tom ma’noda qog‘ozda “pishiriladi”.
Qaysi qurilma uchun sarflov materiallari arzonroq?
Ilgari lazerli printer uchun xarajatlar arzonroqqa tushar edi. Purkovchi printer uchun esa doimiy ravishda kartrijlar sotib olish kerak bo‘lar edi. Chunki ular ko‘p vaqt xizmat qilmas va shu bilan birga ancha qimmat turar edi. So‘nggi o‘n yil ichida vaziyat sezilarli darajada o‘zgardi: siyohlar o‘n baravar arzonlashdi va ularni topish oson bo‘lib qoldi. Bozorda siyoh idishi bevosita to‘ldirib beriladigan printerlar paydo bo‘ldi. Ularda chop etish uchun sarflanadigan xarajat ham kamaydi, chunki bunday printerlardagi siyoh idishlari kattalashtirilib, ularga 70 millilitrli va hatto undan ham ko‘proq siyoh solish imkoni yaratildi.
Masalan, monoxrom Epson printerlarida dastlabki majmuadagi siyoh A4 sahifadagi 11 000 ta hujjatni chop qilish uchun yetadi. Bunday hajmdagi hujjatlarni chop etish uchun lazerli printerda uning modeliga qarab, 3-5 ta kartrij toner kerak bo‘ladi. Oddiyroq qilib aytganda, agar gap sarflov materiallarining narxi va hajmi haqida ketadigan bo‘lsa, siyohni uzluksiz uzatish tizimiga ega printerlar afzalroq hisoblanadi.
Qaysi qurilma tezroq chop etadi?
An’anaviy purkovchi printerlar lazerli printerlarga qaraganda ancha sekinroq chop etadi, lekin purkovchi printerlarga qizib olish uchun vaqt kerak emas. Shuning uchun bitta, ikkita hatto besh sahifani bunday printerlar nisbatan tezroq chop etadi. Lazerli printer esa bu vaqt ichida qizib olishga ulgurmaydi.
Shu bilan birga, butun varaqning kengligidagi chop etish boshchasiga ega purkovchi printerlar ham mavjud. Bunday printerlar, masalan, Epson WorkForce Enterprise daqiqasiga 100 ta sahifa tezlikda chop etadi.
Xizmat ko‘rsatishning qulayligi va avtonomlik haqida nima deyish mumkin?
E’tibor qaratish kerak bo‘lgan yana bir muhim jihat – bu printerlarga texnik xizmat ko‘rsatishning qulayligi va ularning avtonomligi. Lazerli printerlarda siyoh quyish uchun maxsus ko‘nikma va jihozlangan xona kerak bo‘ladi. Epson purkovchi printerlariga esa mustaqil siyoh quyish mumkin, ya’ni shunchaki siyoh solinuvchi idishga siyoh quyiladi. Endi avtonomlik haqida to‘xtaladigan bo‘lsak, lazer printerda 1 kilovattgacha energiya sarflaydigan “pech”dan foydalaniladi va elektr energiyada uzilishlar bo‘ladigan holatlarda ular uchun kuchli UPS yoki generatordan foydalanish kerak bo‘ladi.
Epson purkovchi printerlari 100 vattgacha energiya sarflaydi, bu standart 600-800 vatt UPS’lar bilan va hatto invertor orqali avtomobildagi chekish moslamasi bilan ham ishlashi mumkin.
Agar siz:
- kamdan-kam hollarda chop etsangiz;
- kichik hajmdagi faqat monoxrom hujjatlarni chop etmoqchi bo‘lsangiz, unda sizga lazerli printer juda mos keladi;
- bitta qurilmadan foydalanib, nafaqat monoxrom hujjatlarni, balki rangli hujjatlarni yoki fotosuratlarni ham chop etmoqchi bo‘lsangiz;
- chop etish xarajatlarini imkon qadar tejashni va yaxshigina dastlabki siyoh zaxirasiga ega bo‘lishni xohlasangiz;
- siyoh quyish uchun vaqtni tejamoqchi bo‘lsangiz va juda ko‘p chop etmoqchi bo‘lsangiz, unda sizga purkovchi printer mos keladi.
Epson ko‘rgazma zali quyidagi manzilda joylashgan: Toshkent shahri, Kichik halqa yo‘li ko‘chasi, 25-uy. (Mo‘ljal: aeroportdagi ko‘prik).
Telefon: +99871 250 03 43
Reklama huquqi asosida.
Izoh (0)