Shifokorlar bemorning operatsiya stolidan omon chiqishi imkoniyatini 10 foiz deya baholagan edi. Ammo turk shifoxonasida o‘tkazilgan o‘ta murakkab operatsiya tufayli bemor nafaqat tirik qoldi, balki rak kasalligini ham yenga oldi.
Ikki farzandning onasi, 38 yoshli Gulmira Yesenbayeva 4 yil oldin kasallikka chalingan. Hammasi yosh va bir qarashda mutlaqo sog‘lom ayolning beshinchi qavatdagi uyiga zinalar orqali ko‘tarilishi qiyinlashishidan boshlangan. Har safar nafasi siqilgan, yuragi go‘yo ko‘krak qafasini yorib chiqib ketadigandek bo‘lgan. Bir kuni ne azoblarda yuqoriga ko‘tarilgan ayol o‘z ostonasida hushidan ketadi. Qo‘rqib ketgan bolalari tez tibbiy yordam chaqirishadi va u kasalxonaga joylashtiriladi.
Gulmiraning eslashicha, uni tekshirgan shifokorlar bir to‘da kasalliklar – anemiyadan tortib pankreatitgacha aniqlagan. Ular muolajalarni boshlasalarda, bemorning ahvoli kun sayin og‘irlashavergan. Bir yil ichida ayol 10 kilogrammga ozib ketadi va uning qornida kuchli og‘riqlar hamda ovqat hazm qilishda muammolar paydo bo‘ladi.
Kunlarning birida og‘riq shu darajada kuchayadiki, Gulmirani shifoxonaga qaytadan joylashtirishadi. Takror tekshiruvlar natijasida shifokorlar uning qorin bo‘shlig‘ida yiringlab ketgan, xavfli o‘sma borligini aniqlaydi. Gulmirani ikki marta omadsiz operatsiya qilishadi va shundan so‘ng uyiga javob berishadi.
“Shifoxonada tashxis qo‘yish uchun zarur uskunalar — MRT, PET KT yo‘q edi. Shu bois shifokorlar bu qanday o‘sma ekanligi va u qay darajada tarqalganligini aniqlay olmadi. Bu esa samarali davolash uslubini qo‘llash imkonini bermadi va shundan so‘ng aytish mumkinki, menga o‘lishim uchun uyga javob berishdi. Shundan keyin deyarli ikki oy ichida men butunlay holdan toyib qoldim. O‘sma hajmi shiddat bilan kattalashdi, qornimda katta va ochiq yara bor edi. Undan yiring uzluksiz oqib turar edi, tanamda sepsis boshlangandi. Yaqinlarim meni qutqarish uchun zudlik bilan xorijga olib ketishdi”, — deb eslaydi Gulmira Yesenbayeva.
Tanish oilaning tavsiyasiga ko‘ra, men Istanbuldagi Anadolu tibbiy markaziga murojaat qildim. Yaxshiki, klinikaning xalqaro bo‘limi ham bor ekan va undagi xodimlar rus tilida ham so‘zlashar ekan. Ular shifokorlarga ko‘rsatish uchun barcha tibbiy xulosalarni va tekshiruvlar natijalarini jo‘natishni so‘rashdi…
Javob bir sutka ichida keldi. Kasallik tarixi bilan tanishgan turk mutaxassislari yordam berishga tayyor ekanliklarini bildirib, bemorni davolanish uchun Istanbulga taklif qilishdi.
Gulmira nihoyatda og‘ir holatda klinikaga yetkaziladi, qabul paytida u deyarli behush edi. Bemorni ko‘rgan turk shifokorlari uning o‘ta og‘ir ahvolidan hayratga tushishadi, lekin shunga qaramay o‘smani olib tashlash uchun operatsiya qilishga rozi bo‘lishadi.
Imkoniyatlar juda past edi – mutaxassislar uning jarrohlik stolidan omon chiqishi ehtimolini 10 foiz deya baholagan. Ammo turk shifokorlarining yuksak malakalari tufayli operatsiya muvaffaqiyatli yakunlandi. Jarrohlar o‘smani butunlay olib tashlashga muvaffaq bo‘ldi.
Operatsiyadan so‘ng uzoq muddatli tiklanish jarayoni kechdi. Jarrohlar bilan birga Anadolu klinikasining qator mutaxassislaridan iborat jamoa Gulmiraning sog‘ayib ketishi uchun jon kuydirishdi. Ularning sa’y-harakatlari bilan bemor oyoqqa turdi va oxir-oqibat rak kasalligini yengishga muvaffaq bo‘ldi.
Ayni paytda u to‘liq remissiya bosqichida. Kasallik qaytalanmasligi uchun Gulmira qo‘shimcha davolanish usuli – immunoterapiya qabul qilayapti. Bu yangi avlod preparatlari bo‘lib, ular organizmga tushganidan keyin mustaqil ravishda rak hujayralarini topadi va ularni yo‘q qiladi. Gulmira immunoterapiya qabul qilish yakunlanganidan so‘ng onkologiya muammosini butunlay unutishga umid qilmoqda.
“Bemor ilk bor klinikamizga kelib tushganida qorin devori terisi va mushaklariga qadar o‘sib ketgan, juda katta hajmdagi abdominal o‘sma borligi tufayli og‘ir klinik holatda edi. Shoshilinch gospitalizatsiyadan so‘ng, tekshiruvlarga qadar bu holat turli mutaxassislar ishtirokida multidissiplinar konsilium o‘tkazildi. O‘zaro maslahatga ko‘ra, jarrohlik amaliyoti zarurligi ta’kidlandi.
Murakkab operatsiyadan keyingi tiklanish jarayoni taxminan bir oy davom etdi va shundan so‘ng bemorga poliklinika nazoratida bo‘lish sharti bilan javob berildi. Operatsiyadan keyingi gistologik xulosalarga ko‘ra, o‘smaga qarshi eng samarali preparatlar bilan immunoterapiya asosida tizimli davolash rejasi tuzib chiqildi”, — deydi Anadolu klinikasining xalqaro bo‘limi shifokor-koordinatori Go‘zal Keskin.
So‘nggi nazorat tekshiruviga ko‘ra, bemor qabul qilingan vaqtdagi prognozlar o‘ta umidsiz bo‘lganligiga qaramay, mutaxassislarimiz kasallikni remissiyada ushlab turishibdi.
Siz ham Anadolu klinikasi shifokorlari bilan quyidagi raqamlar orqali bog‘lanishingiz va kasalligingizga oid bepul konsultatsiya, zarur davo usullari haqida ma’lumotlar olishingiz, shuningdek, qiziqtirgan savollaringizni berishingiz mumkin.
WhatsApp, Telegram uchun: +90 530 954 30 22 (rus va o‘zbek tillarida)
Veb-sayt: www.anadolumedicalcenter.ru
Elektron pochta: int.patients@anadolusaglik.org
Reklama huquqi asosida.
Izoh (0)