Futbol bo‘yicha Ispaniya Kubogi finali doirasida “Barselona” 17-aprel, shanba kuni “Atletik Bilbao” bilan bahs yuritdi.
Sevilyada kechgan uchrashuvning birinchi bo‘limida darvozalar daxlsiz qoldi. Ammo ikkinchi 45 daqiqalikda katalonlar gollar yomg‘irini taqdim etdi. 60-daqiqada Antuan Grizmann, 63-daqiqada Frenki de Yong o‘z hisobiga gol yozdirib qo‘ydi. 68 hamda 73-daqiqalarga kelib esa, Lionel Messi dublni rasmiylashtirgan holda “Barselona”ning yirik g‘alabasini ta’minlab berdi.
Shu tariqa “ko‘k-anorranglilar” 12 daqiqa oralig‘ida urilgan 4 ta gol evaziga Ispaniya Kubogiga ega chiqdi. Bu jamoa uchun mazkur musobaqadagi 31-sovrin bo‘ldi.
Ispaniya Kubogi
Final bahsi
17-aprel, shanba
“Atletik Bilbao” — “Barselona” 0:4
Gollar: 0:1 – 60 Grizmann, 0:2 – 63 de Yong, 0:3 – 68 Messi, 0:4 – 72 Messi.“Atletik”: Unai Simon, De Markos, Yeray Alvares (Nunyes, 67), Martines, Balensiaga, Raul Garsiya, Unai Lopes (Berchiche, 67), Berenger (Vesga, 54), Dani Garsiya, Muniain (Lekue, 46), Uilyams (Vilyalibre, 67).
“Barselona”: ter Stegen, Alba, Mingesa (Dembele, 88), Pike (Arauxo, 82), Dest (Serji Roberto, 74), Buskets, de Yong, Pedri (Moriba, 81), Langle, Grizmann (Breytueyt, 87), Messi.
Ogohlantirishlar: Dani Garsiya (39), Berchiche (90).
Izoh (0)