Футбол бўйича Испания Кубоги финали доирасида «Барселона» 17 апрель, шанба куни «Атлетик Бильбао» билан баҳс юритди.
Севильяда кечган учрашувнинг биринчи бўлимида дарвозалар дахлсиз қолди. Аммо иккинчи 45 дақиқаликда каталонлар голлар ёмғирини тақдим этди. 60-дақиқада Антуан Гризманн, 63-дақиқада Френки де Йонг ўз ҳисобига гол ёздириб қўйди. 68 ҳамда 73-дақиқаларга келиб эса, Лионель Месси дублни расмийлаштирган ҳолда «Барселона»нинг йирик ғалабасини таъминлаб берди.
Шу тариқа «кўк-анорранглилар» 12 дақиқа оралиғида урилган 4 та гол эвазига Испания Кубогига эга чиқди. Бу жамоа учун мазкур мусобақадаги 31-соврин бўлди.
Испания Кубоги
Финал баҳси
17 апрель, шанба
«Атлетик Бильбао» — «Барселона» 0:4
Голлар: 0:1 – 60 Гризманн, 0:2 – 63 де Йонг, 0:3 – 68 Месси, 0:4 – 72 Месси.«Атлетик»: Унаи Симон, Де Маркос, Йерай Альварес (Нуньес, 67), Мартинес, Баленсиага, Рауль Гарсия, Унаи Лопес (Берчиче, 67), Беренгер (Весга, 54), Дани Гарсия, Муниаин (Лекуэ, 46), Уильямс (Вильялибре, 67).
«Барселона»: тер Стеген, Альба, Мингеса (Дембеле, 88), Пике (Араухо, 82), Дест (Сержи Роберто, 74), Бускетс, де Йонг, Педри (Мориба, 81), Лангле, Гризманн (Брэйтуэйт, 87), Месси.
Огоҳлантиришлар: Дани Гарсия (39), Берчиче (90).
Изоҳ (0)