PSJ hujumchisi Neymar Yevropa Chempionlar Ligasining chorak final javob o‘yinlari yakuni bo‘yicha haftaning eng yaxshi o‘yinchisi deb topildi.
Braziliyalik futbolchi “Bavariya”ga qarshi kechgan javob o‘yinida (0:1) o‘zining faol harakatlari bilan ajralib turdi. Neymar myunxenliklar darvozasi tomon uchta aniq zarba berdi.
Ushbu sovrin uchun shuningdek, quyidagi futbolchilar kurash olib borgandi:
- Kristian Pulishich (“Chelsi”) — “Portu”ga qarshi o‘yinda (0:1) 84% uzatmalar aniqligi;
- Kazemiro (“Real”) — “Liverpul”ga qarshi bellashuvda (0:0) 79% uzatmalar aniqligi;
- Ilkay Gundo‘g‘an (“Manchester Siti”) — “Borussiya D”ga qarshi uchrashuvda (2:1) 95% uzatmalar aniqligi.
Neymar Liga 1 joriy mavsumida 13 ta o‘yin o‘tkazib, 6 ta gol va uchta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)