Ispaniya Kubogi finalini boshqarib boradigan hakamlar ma’lum bo‘ldi.
“Atletik B” va “Barselona” o‘rtasidagi uchrashuvda valensiyalik Xuan Martines Munuera boshchiligidagi hakamlar guruhi ishlaydi.
2020/21-yilgi mavsumda Munuera katalonlar ishtirokidagi ikkita o‘yinni boshqarib bordi: “Real”ga qarshi birinchi davradagi uchrashuv (3:1) va “Kadis” bilan o‘yin (1:1).
Oktabr oyidagi “El-Klasiko”dan keyin “Barselona” ushbu hakam ustidan Ispaniya futbol federatsiyasiga shikoyat xati yozgandi. Kleman Langle va Serxio Ramos o‘rtasidagi yakkakurashdan keyin “Barselona” darvozasiga penalti belgilanishi “ko‘k-anorranglilar” noroziligiga sabab bo‘lgandi.
Shuningdek, Martines Munuera joriy mavsum Bilbao klubi ishtirokidagi o‘yinda ham bir marta ishladi. “Granada”ga qarshi kechgan bask derbisida “Atletik” 2:1 hisobida g‘alaba qozongandi.
Ushbu uchrashuvda VAR tizimiga Xose Luis Gonsales javob beradi. Zaxira hakami esa — Gilyermo Kuadra Fernandes.
Ispaniya Kubogi finali Toshkent vaqti bilan 17-apreldan 18-aprelga o‘tar kechasi 00:30 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)