“Borussiya D” hujumchisi Erling Holland yangi klubga o‘tgan taqdirda qancha maosh olishni xohlayotgani ma’lum bo‘ldi.
Goal nashrining yozishicha, 20 yoshli norvegiyalik futbolchi yiliga 35 million yevro maosh olmoqchi. Bunday talab Yevropaning istalgan klubiga og‘irlik qilishi aytilmoqda.
Avvalroq Holandning vakillari “Real” “Barselona” rahbarlari bilan muzokara o‘tkazgan edi. O‘shanda Ispaniyaning har ikkala klubi bilan muzokaralar norasmiy bo‘lgani va moliyaviy masalalar muhokama qilinmagani qayd etilgandi.
Bungacha bir necha oy davomida ingliz klublaridan biri Holandga jiddiy qiziqish bildirib kelgan, ammo norvegiyalik yiliga 35 million yevro olishni istayotganini bilib, muzokaralardan voz kechgan. “Barselona” va “Real” ham katta ehtimol bilan futbolchiga bunday maosh berolmaydi. Erling La Liga klublaridan biriga o‘tishi uchun moliyaviy talablarini sezilarli darajada kamaytirishi kerak bo‘ladi.
“Borussiya” esa jamoa Chempionlar Ligasi guruh bosqichiga yo‘llanma ololmasa ham, Holandni qo‘yib yubormoqchi emas va uni kamida yana bir yilga o‘zida saqlab qolmoqchi. Klub rahbariyati futbolchi va uning agenti Mino Rayola bilan muntazam ravishda muloqot qilib turibdi.
Erling Holand Bundesliganing 2020/21-yilgi mavsumida 23 o‘yinda maydonga tushib, 21 ta gol va 5 ta golli uzatma muallifiga aylandi.
Mavzuga doir:
Izoh (0)