Ikki vazn toifasida UFC sobiq chempioni Konor Makgregor va sobiq vaqtinchalik chempion Dastin Porye o‘rtasidagi jang bo‘lib o‘tadi. Bu haqda UFC matbuot xizmati rasman ma’lum qildi.
Yengil vazn toifasi yulduzlari o‘rtasidagi jang 10-iyul kuni (Toshkent vaqti bilan 11-iyul) Las-Vegasda o‘tkaziladigan UFC 264 musobaqasida bo‘lib o‘tadi.
UFC prezidenti Deyna Uayt ushbu musobaqa 20 ming tomoshabinga mo‘ljallangan T-Mobile arenasida bo‘lib o‘tishi va unda tomoshabinlar kirishiga ruxsat etilishi haqida ma’lum qildi.
Avvalroq Konor va Dastin o‘rtasida kelishmovchilik chiqqan, buning oqibatida irlandiyalik sportchi jangdan voz kechganini aytgandi. Biroq Makgregor shartnomaga imzo chekkani va Poryega qarshi jang qilishi e’lon qildi.
Eslatib o‘tamiz, Porye UFC 257 musobaqasida Makgregorni ikkinchi raundda nokautga uchratgandi. Undan avval yakkakurashchilar 2014-yilda ham o‘zaro to‘qnash kelgan va unda irlandiyalik sportchi birinchi raundda Poryeni nokautga uchratgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)