Икки вазн тоифасида UFC собиқ чемпиони Конор Макгрегор ва собиқ вақтинчалик чемпион Дастин Порье ўртасидаги жанг бўлиб ўтади. Бу ҳақда UFC матбуот хизмати расман маълум қилди.
Енгил вазн тоифаси юлдузлари ўртасидаги жанг 10 июль куни (Тошкент вақти билан 11 июль) Лас-Вегасда ўтказиладиган UFC 264 мусобақасида бўлиб ўтади.
UFC президенти Дэйна Уайт ушбу мусобақа 20 минг томошабинга мўлжалланган Т-Mobile аренасида бўлиб ўтиши ва унда томошабинлар киришига рухсат этилиши ҳақида маълум қилди.
Аввалроқ Конор ва Дастин ўртасида келишмовчилик чиққан, бунинг оқибатида ирландиялик спортчи жангдан воз кечганини айтганди. Бироқ Макгрегор шартномага имзо чеккани ва Порьега қарши жанг қилиши эълон қилди.
Эслатиб ўтамиз, Порье UFC 257 мусобақасида Макгрегорни иккинчи раундда нокаутга учратганди. Ундан аввал яккакурашчилар 2014 йилда ҳам ўзаро тўқнаш келган ва унда ирландиялик спортчи биринчи раундда Порьени нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)