“Chelsi” bosh murabbiyi Tomas Tuxel Yevropa Chempionlar Ligasi chorak final javob bahsi doirasida “Portu”ga qarshi kechgan o‘yindan (0:1) keyin o‘z fikrlarini bildirib o‘tdi.
Londonliklar ushbu uchrashuvda 0:1 hisobida yutqazganiga qaramay, dastlabki o‘yindagi g‘alaba evaziga (2:0) yarim finalga chiqdi.
Barcha choralarni ko‘rdik. Qiyin o‘yin bo‘ldi. Balki, bu televizorda ko‘rish uchun juda tomoshabob o‘yin bo‘lmagandir, biroq maydon yonidan juda asabiy va tezkor o‘tgani ko‘rinib turdi. “Portu”ga qarshi harakat qilish va ularning bosimiga dosh berish juda qiyin bo‘ldi.“Liverpul” — “Real” uchrashuvi Toshkent vaqti bilan 14-apreldan 15-aprelga o‘tar kechasi 00:00 da boshlanadi. Ushbu jamoalar o‘rtasidagi dastlabki o‘yinda madridliklar 3:1 hisobidagi g‘alabani qo‘lga kiritgandi.Biz juda yaxshi himoyalandik, quruq o‘yin o‘tkazishga haqli edik. Yaxshi imkoniyatlar bo‘ldi, lekin gol ura olmadik. Umuman olganda ortda qolgan 180 daqiqani inobatga olsak, biz g‘alabaga haqli edik.
Keyingi bosqichdagi raqibni tanlamoqchi emasman, biroq Chempionlar Ligasida o‘z ligamiz jamoasi bilan o‘ynashni xohlamagan bo‘lardim. Raqiblar o‘yiniga qadar hali vaqt bor. Uni tomosha qilaman, shunisi yoqimliki, uni yarim finalchi sifatida kuzataman. Bu juftlikda har narsa bo‘lishi mumkin, “Liverpul” o‘z maydonida juda kuchli. Biz esa qaysi raqib tushsa ham uni qabul qilamiz.
Tomas Tuxel, “Chelsi” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)